पोखरा । पोखरा स्पोर्ट्स अवार्डको सातौं संस्करणका लागि संयोजकमा आयोजक नेपाल खेलकुद पत्रकार मञ्च गण्डकी अध्यक्ष दीननाथ बराललाई तोकिएको छ । शनिबारको भेलाले बराललाई संयोजक र मञ्च महासचिव राजाराम पौडेललाई सहसंयोजक तोकेको छ ।

मूल्यांकन तथा अनुगमन उपसमिति संयोजकमा रामकृष्ण ज्ञवाली, अन्तर्राष्ट्रिय समन्वय उपसमितिमा केशव पाठक, अतिथि सत्कारमा एकराज गिरी, संघसंस्था समन्वयमा सुरज श्रेष्ठ, प्रचार तथा सांस्कृतिकमा राजाराम पौडेल, स्वमंसेवक र निमन्त्रणामा शशिकुमार पौडेल, आर्थिक संकलनमा कविता घर्तीमगर, मञ्च व्यवस्थापनमा एमबि आस्था, फोटोग्राफी तथा भिडियोग्राफीमा उमेश पुन र क्विक रेस्पोन्समा राजु गिरीलाई संयोजक चयन गरिएको महासचिव पौडेलले बताए । ती उपसमितिले सदस्य थप्ने छन् ।

आगामी २३ वैशाखमा पोखरा सभागृहमा हुने समारोहमा मञ्चले लाइफटाइम अचिभमेन्ट अवार्ड, वर्ष खेलाडी पुरुष, वर्ष खेलाडी महिला, उदीयमान खेलाडी, उत्कृष्ट प्रशिक्षक, उत्कृष्ट खेल संघ र उत्कृष्ट खेल पत्रकारलाई अवार्ड दिनेछ ।