पोखरा । बुद्व विशाल बजार व्यापारिक एसोसिएसन पोखराले आफ्ना व्यवसायी सदस्यलाई सकारात्मक सोच सम्बन्धी तालिम दिएको छ । कार्यक्रममा एसोसिएसनका अध्यक्ष केशवबहादुर खत्रीले व्यवसायीहरुले कुनै पनि काम भोलि गरौंला भन्ने बानी हटाउन प्रशिक्षण प्रभावकारी हुने विश्वास व्यक्त गरे ।

एसोसिएसनका उपाध्यक्ष इन्द्रराज अर्यालले व्यवसायी साथीहरूले तालिमपछि व्यवहारमा परिवर्तन ल्याउने अपेक्षा गर्दे तालिम उपयोगी हुनेमा आफू विश्वस्त रहेको बताए ।
प्रशिक्षक भीमप्रसाद श्रेष्ठले सकारात्मक सोचले दिमागलाई आशावादी बनाउने र जीवनको उज्ज्वल पक्ष देखिने बताए । उनले व्यवसायी साथीहरुले सिकेका कुरा व्यवहारमा अभ्यास गर्दै गएमा जीवनमा सफल हुने बताए ।

एसोसिएसनका महासचिव बुद्विबहादुर कुँवरले सकारात्मक व्यक्ति जहिले पनि अधिक आनन्द, खुसी र तुलनात्मकरुपमा राम्रो र स्वस्थ्य हुने बताए । एसोसिएसनका सूचना, प्रविधि तथा सञ्चार समितिका सदस्य विष्णुप्रसाद अधिकारी क्यानडा प्रस्थान गर्न लागेकोमा एसोसिएसनले सोही अवसरमा बिदाइ गरेको छ ।