पोखरा । घनाजंगल । उत्तिकै सिमसार क्षेत्र । जंगलबीच भएर बगेको नारायणी नदी । हात्ती, गैडा, बाघ, मृग लगायत जंगली जीवजन्तु पनि छन् ।
उबेला यिनैको सिकार खेल्न निस्कन्थे, राजारजौटा । बाघ सिकार गर्न खोर नै बनाउँथे । सिकारका लागि निर्मित बाघको खोरैखोर क्षेत्र नामकरण भयो, बाघखोर । यो बाघखोर नवलपुरको कावासोती नगरपालिका वडा १५ मा पर्छ ।
राजाको शासन बिस्तारै सकिंदै गयो । सिकार खेल्ने जमानामा पनि हराउँदै गयो । पछिल्लो समय राजा आफैंले नेपालले वन्यजन्तु संरक्षणका अभियान थालिसकेका थिए । त्यसपछि बाघखोर बिस्तारै मसानघाटमा परिणत हुँदै गयो ।
स्थानीय प्रेमशंकर मर्दनिया थारु सम्झिन्छन्, यहाँ मुसहर बोटे जातिका मानिसको बसोबास रहेका बस्ती नजिकै वरपरका मान्छे मर्दा जलाउने, गाड्ने काम हुन थाल्यो । यहाँका मानिसको आफ्नै संसार थियो । बाहिरी दुनियाँको कुनै साइनो भएन । वन जाने, घाँसदाउरा गर्ने, मेलापात गर्ने दैनिकी थियो । राम्रोसँग लुगा लगाउने चलन पनि थिएन । विद्यालय टाढा थियो । बालबच्चाहरु स्कुल जान्थेनन् । महिलाहरु नयाँ मान्छेसँग बोल्न लजाउँथे । युवा कामको खोजीमा भौंतारिएका हुन्थे । जंगलमा वस्तीआश्रित हुँदा फडानी पनि उत्तिकै थियो ।
मात्र एक दशकमै यहाँ कायापलट भयो । पहिलेको बाघखोर र अहिलेको बाघखोर अमलटारीमा आकाश जमिनको फरक छ । अमलटारी मध्यवर्ती सामुदायिक होमस्टेले स्थानीयको जीवनस्तरमा कायापलट गरेको हो । आज अमलटारी देशकै नमुना होमस्टेले परिचित छ ।
कुटो, कोदालो, वनजंगल र ज्याला मजदुरीमा व्यस्त हुने महिला, युवा, वृद्धवृद्धा अहिले होम स्टेमा आउने पाहुनाको सत्कारमा व्यस्त हुन्छन् । चितवन राष्ट्रिय निकुञ्जले बाघखोरलाई अमलटारी बनाउन मुख्य भूमिका खेलेको हो । २०५४ सालमा मध्यवर्ती व्यवस्थापन क्षेत्र (बफरजोन) घोषणा भयो । बफरजोन क्षेत्रमा २२ वटा उपभोक्ता समिति गठन गरिए । तीमध्ये चितवनमा १२, नवलपरासीमा ८ तथा पर्सा र मकवानपुरमा १÷१ वटा उपभोक्ता समिति छन् । तीमध्ये पनि नवलपुरको बाघखोर क्षेत्रले अमलटारी होमस्टे चलाएर कायापलट गरेको छ ।
बफरजोन घोषणा पछि यहाँका स्थानीय निकुञ्ज संरक्षणमा पनि जुटे । प्रेमशंकर मर्दनिया थारु चितवन राष्ट्रिय निकुञ्ज मध्यवर्ती क्षेत्र अमलटारी उपभोक्ता समिति अध्यक्ष चुनिए । उनकै नेतृत्वले दिगो जीविकोपार्जनका लागि होमस्टे चलाउने योजना बनायो । अनि निकुञ्जकै सहयोगमा यसबारे बुझ्न टोली निस्क्यो, बर्दियाको डल्ला गाउँ होमस्टेतिर ।
अमलटारी मध्यवर्ती सामुदायिक होमस्टे चम्किदा स्थानीयको जीवनस्तर फेरियो
डल्ला होमस्टे अवलोकनपछि विश्व वन्यजन्तु कोषको २० औं स्थापना दिवस अवसर पारेर २०७० जेठ ५ मा अमलटारी मध्यवर्ती होमस्टे संचालन भयो । होमस्टे संचालक समिति अध्यक्ष उनै प्रेमशंकर मर्दनिया थारु चुनिए ।
१८ घरबाट सुरु होमस्टे दोस्रो पटकमा थप्दा २४ घरमा पुग्यो । अहिले ३१ घरसम्म फैलिएको छ । आदिवासी जाति थारु र नेपालकै सिमान्तकृत जाति बोटे समुदायले मात्र बाघखोरमा अमलटारी होमस्टे सञ्चालन गरेका छन् । उनीहरु यतिखेर सक्षम भइसकेका छन् । होमस्टे स्थापनापछि जीवनस्तर नै परिवर्तन भएको स्थानीय छनकुमारी महतोले बताइन् । ‘पहिला खेती अरुकोमा खेती किसानी गर्न जानुपथ्र्यो । त्यो पनि बिहानदेखि बेलुकासम्म काम गर्नुपथ्र्यो,’ उनले महतोले भनिन्, ‘अहिले त साह्रै सजिलो भएको छ । घरमै बसी बसी पैसाको जोहो भएको छ ।’ उनका छोरा पनि होमस्टे स्थापनापछि गाउँमै बस्न थालेका छन् । विदेशीएका उनी पाहुना खुसी बनाएर जीवन धान्न सकिने भएपछि गावै फर्किए । होमस्टेमा पाहुनाको चहलपहल सुरु भएपछि उनीजस्तै विदेश गएकाहरु गाउँ फर्किन थालेका छन् ।
अध्यक्ष मर्दनिया सम्झिन्छन्, ‘हरियो वन र डब्लुडब्लुएफ सहयोगमा यहाँसम्म आयौं । यति छिट्टै कायापलट हुँदा हामीलाई सपनाजस्तो लागेको छ ।’ अहिले यहाँ होमस्टे चलाउने परिवारले मासिक कम्तीमा ४० हजार कमाउने गरेको उनले सुनाए । अमलटारी होमस्टे नारायणगढ–बुटवल सडकखण्डअन्तर्गत नवलपुरको डण्डा र कावासोतीबाट करिब ७ किलोमिटर दक्षिणमा पर्छ ।
दैनिक १ सय जना पाहुना आउने गर्दछन् । पहिल्यै बुकिङ गर्नेहरु पनि छन् । पाहुनाबाट हुने आम्दानीको १० प्रतिशत कार्यालय व्यवस्थापनका लागि राख्ने गरिन्छ । होम स्टे संचालकलाई आम्दानीको ९० प्रतिशत रकम दिने गरिन्छ । अहिले प्रतिव्यक्ति नेपालीका लागि ९ सय ८० र विदेशीका लागि १ हजार ४ सय खर्च लाग्छ । यसमा बेलुकाको खाना, बास र बिहानको खाजा र खाना पाइने अध्यक्ष मर्दनियाले जानकारी दिए । होमस्टेमा एकै रातमा १ सय २४ जनासम्म राख्न सक्ने क्षमता छ ।
सरकारले यसलाई ३७ आंै विश्व पर्यटन दिवसमा गन्तव्य होमस्टे गाउँरूपमा घोषणा गरी प्रवद्र्धन समेत गरेको छ । साथै तारागाउँ विकास समितिले २०७२ सालमा देशकै उत्कृष्ट होमस्टेरूपमा अमलटारी होमस्टेलाई पुरस्कृत गरेकोमा दक्षिण एसियाको पहिलो होमस्टे सिरुबारीको रजत जयन्ती अवसरमा यही वर्ष अमरटारी उत्कृष्ट होम स्टेरुपमा पुरस्कृृत भयो ।
Related News
सम्बन्धित समाचार
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
मानवअधिकार आयोगसमक्ष द्वन्द्वपीडित समुदायको ज्ञापन
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
मनिपालमा अत्याधुनिक एमआरआई मेसिन
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१