पोखरा । लमजुङमा धेरै गुरुङ गाउँ छन्, तीमध्ये पसगाउँ पनि एक हो । तर पसगाउँ अरु गुरुङ गाउँभन्दा भिन्न छ । त्यहाँ संस्कृति बेग्लै र विशिष्ट छन् । गाउँको संस्कृति बुझ्न र त्यो संस्कृतिमा रमाउन चाहनेहरुका लागि पसगाउँ गतिलो गन्तव्य हुनसक्छ, जहाँ पाहुनाका लागि होमस्टे पनि छन् ।
त्यही पसगाउँमा पाहुना डाक्ने उद्देश्यले आउँदो २४ र २५ मा ‘पसगाउँ महोत्सव’ हुने भएको छ । क्होलासोँथार गाउँपालिका वडा नम्बर ६ मा पर्ने पसगाउँमा महोत्सवको १३ औँ संस्करण हुनेभएको हो ।
ग्रामीण पर्यटनको विस्तार गर्ने हेतुले २०६० वैशाख १६ र १७ गते आयोजना भएको पहिलो महोत्सव निरन्तर चल्दै आएको छ । लोकसंस्कृतिको संरक्षण तथा स्थानीय हस्तकला प्रदर्शनी महोत्सवको मुख्य आकर्षण रहने होमस्टे व्यवस्थापन समितिका अध्यक्ष बलराम गुरुङले जानकारी दिए ।
‘यो रुटमा आन्तरिक पर्यटकको आगमन निकै कम छ । घले गाउँबाटै फर्किन्छन्,’ उनले भने, ‘पसगाउँसम्म पर्यटक डाक्न महोत्सव महत्वपूर्ण हुनेछ ।’ महोत्सव १३ औँ संस्करणसम्म आइपुग्दा पनि पर्यटनमा भने भर्खर बामे सर्दै गरेको उनले बताए । महोत्सवमा सहभागी भएर ग्रामीण पर्यटनको स्वाद चाख्न उनले आग्रह गरे ।
संस्कृतविद् एकेन्द्र गुरुङले गुरुङ संस्कृति र ग्रामीण पर्यटनको जान्न÷बुझ्न पस गाउँ पुग्न आग्रह गरे । ‘घाँटु गुरुङ गाउँहरुमा नाचिन्छ, दुरा वा मगर समुदायमा पनि नाचिन्छ तर पसगाउँमा नाचिने सती घाँटु अन्त कमै भेटिन्छ,’ उनले भने ।
गण्डकी प्रज्ञा प्रतिष्ठानका उपकुलपति गोरे गुरुङले पसगाउँ महोत्सव पसगाउँको संस्कृति बेग्लै रहेको जानकारी दिए । उनले भने, ‘घाँटु सेलाउने क्रममा पसगाउँ जस्तो संस्कृति छ, अन्त छैन र लमजुङको सबैभन्दा पुरानो कृष्ण चरित्र पनि पसगाउँमै छ ।’
क्व्होलासोथर गाउँपालिका अध्यक्ष सूर्यप्रसाद गुरुङले घलेगाउँ, पसगाउँ जोड्ने बाटो निर्माणको काम जोडतोडले अघि बढिरहेको बताए । पसगाउँलाई ग्रामीण पर्यटनसँग जोडेर आम्दानी बढाउन पालिका कम्मर कसेर लागीरहेको उनले सुनाए । ‘पर्यटक भिœयाएर आम्दानी बढाउने गरी हामी लागीरहेका छौँ,’ उनले भने, ‘५ वर्षभित्रमा तपाईंहरुले थुप्रै राम्रा काम देख्नुहुनेछ । पसगाउँको त्यति प्रचार हुन सकिरहेको छैन । यो महोत्सवले पनि पसगाउँलाई चिनाउँछ ।’
दुई दिन चल्ने पसगाउँ महोत्सवमा स्थानीय हस्तकला, साँस्कृतिक नाचगान साथै अर्गानिक खानाको स्वाद चाख्न पाइने आयोजकले जनाएको छ । लमजुङ हिमाल, अन्नपूर्ण लगायत हिमालय पर्वत शृंखलाका अनुपम दृश्य देख्न पाइने महोत्सव कोम्रेडाँडालाई पिकनिक स्पटको रुपमा विकास गरिएको छ । खानेपानी, बिजुली बत्ती र सडक सञ्जालले पनि जोडेको कोम्रेडाँडालाई स्थानीयको सक्रियतामा सम्पन्न भइसकेको छ ।
कोम्रे डाँडालाई आवश्यकता अनुसार संरचना विस्तार गर्दै लगिने महोत्सव आयोजकहरुले बताएका छन् । पसगाउँ तमु समाज पोखराका अध्यक्ष रामबहादुर गुरुङ पर्यटक पसगाउँको कोम्रेडाँडाबाट लमजुङ र कास्कीसम्मका हिमालहरु र पोखरा पनि देखिने जानकारी दिए ।
Related News
सम्बन्धित समाचार
फेवातालमा दुर्घटनामा परेका ५ जनाको उद्धार
३ पुस्तादेखिको कटुवाल पेसा धान्दै मनबहादुर
मस्र्याङ्दी जलासयमा मोटरबोट
पोखराको काहुँडाँडामा दोस्रो अन्तर्राष्ट्रिय योग फेस्टिभल सुरु
विपद् प्रतिकार्यमा महानगर प्रतिबद्ध छ : प्रमुख आचार्य
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१