पोखरा । शान्ति निकेतन स्कुल, पस्र्याङको नवनिर्मित भवन उद्घाटन गरिएको छ । सरस्वती पूजा अवसर पारेर बिहीबार विद्यालय तथा सरस्वती मन्दिर उद्घाटनसहित अक्षरारम्भ कार्यक्रम गरिएको थियो ।

कार्यक्रममा शिक्षा विकास तथा समन्वय इकाइ कास्की प्रमुख नारायणप्रसाद सुवेदीले अहिलेका बच्चामा नैतिक शिक्षाको अपरिहार्यता रहेको र अभिभावकले पनि आफ्ना सन्ततिको लागि उचित समय छुट्याउन पर्ने कुरामा जोड दिए ।
विद्यालयका संस्थापक/प्रिन्सिपल डा महेश्वर पराजुलीले स्कुलले गुणस्तरीय तथा सर्वसुलभ शिक्षा प्रदान गर्न तल्लिन रहेको बताउँदै अझ परिस्कृत बन्ने अघि बढ्ने दृढता व्यक्त गरे ।

कार्यक्रममा विद्यालय संस्थापक पुरुषोत्तम पराजुली, अभिभावक सुरेन्द्र यादवले शुभकामना मन्तव्य व्यक्त गरेका थिए । कार्यक्रममा ७० जना बाबुनानीको अक्षराम्भ गरिएको अतिरिक्त क्रियाकलाप प्रमुख भुवानीप्रसाद अधिकारीले जनाए ।

विद्यालय व्यवस्थापन समिति अध्यक्ष कृष्णमणि भूत्र्यालको अध्यक्षतामा भएको कार्यक्रममा भाइस प्रिन्सिपल यदुविलास भूत्र्याल र परीक्षा प्रमुख हेम सुवेदीले पनि बोलेका थिए ।