लमजुङ । मस्र्याङ्दी शैक्षिक महोत्सव–२०७९ अवसरमा आयोजित गाउँपालिकास्तरीय अन्तरविद्यालय मस्र्याङ्दी कपमा त्रिभुवन मावि, घनपोखरा च्याम्पियन बनेको छ । सो विद्यालय समग्रमा सर्वाधिक ५५ अंक प्राप्त गरी च्याम्पियन बनेको हो ।
‘स्वास्थ्यको लागि खेलकुद, राष्ट्रका लागि खेलकुद’ नाराका साथ साताव्यापीरुपमा सञ्चालन गरिएको महोत्सवमा प्रतियोगिता भने ३ दिन चलेको थियो ।
मस्र्याङ्दी शैक्षिक महोत्सव २०७९ एवं मस्र्याङ्दी कप गाउँपालिका अध्यक्ष अर्जुन गुरुङको प्रमुख आतिथ्यमा समापन भएको हो । सो अवसरमा मस्र्याङ्दी कपका विजयी छात्रछात्राका साथ विद्यालयलाई पुरस्कृत गरिएको छ ।
यस्तै, महेन्द्रदेव मावि दोस्रो र हिमचुली आवासीय मावि तेस्रो भएका छन् । महेन्द्रले समग्रमा ५१ र हिमचुलीले समग्रमा ४७ अंक प्राप्त गरेको गाउँपालिकाको खेल समितिका सचिव कुलबहादुर विकले बताए ।
माविस्तरीय भलिबलमा छात्रतर्फ गणेश मावि पहिलो भएको छ । त्यस्तै, त्रिभुवन मावि दोस्रो र प्रभात शान्तिपूर्ण तेस्रो भएको हो । छात्रातर्फ हिमचुली पहिलो, महेन्द्रदेव दोस्रो र अमर मावि तेस्रो भए ।
फुटबल छात्रतर्फ अमर मावि विजयी भयो । अमरले फाइनलमा मंगामिलनलाई ४–३ गोलअन्तरले हराएको हो ।
खेलकुदका मावि र आधारभूत तथा प्रावि गणित दौडसमेत कुल २१ ओटा प्रतियोगिता भएको गाउँपालिकाका शिक्षा शाखाका प्रमुख राजीव सुवर्णकारले बताए । विजयी छात्रछात्रालाई गाउँपालिकाका अध्यक्ष अर्जुन गुरुङ, मस्र्याङ्दी गाउँपालिका उपाध्यक्ष जूनामाया थापा, सामाजिक विकास समिति संयोजक तथा वडा ७ का वडाध्यक्ष तिलबहादुर गुरुङ, गाउँपालिका युवा तथा खेलकुद विकास समिति अध्यक्ष खेम घलेले ट्रफी, मेडल र प्रमाणपत्र प्रदान गरेका थिए ।
Related News
सम्बन्धित समाचार
गण्डकी प्रदेश स्क्वास ¥याकेट संघमा रञ्जित
खेल्छ गण्डकी अभियानमा ३५ बालक सहभागी
तनहुँको फ्रेन्डसीप क्लबलाई फुटबल उपाधि
लेखनाथ हाफ म्याराथनमा आर्मीका सञ्जय च्याम्पियन
वडा ४ ले जित्यो अध्यक्ष कप फुटबल
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१