पोखरा । इन्द्रा क्षेत्री स्मृति मानव मिलन नारी जागरण पुरस्कारबाट प्रदेश सभा सदस्य सरस्वती गुरुङ सम्मानित भएकी छन् ।
मानव मिलन नारी जागरण नेपालकी संस्थापक कोषाध्यक्ष इन्द्रा क्षत्रीको स्मृतिमा स्थापित सो पुरस्कारको राशि १० हजार ५ सय ५५ रुपैयाँ र सम्मानपत्र छ । संस्थाको नवौं साधारण सभा तथा पाचौं अधिवेशन अवसरमा ब्रह्मकुमारी ईश्वरीय विश्व विद्यालय, पार्दीकी संचालक ब्रह्मकुमारी अप्सराले सांसद गुरुङलाई नगदसहित सम्मानपत्र प्रदान गरेकी हुन् ।
कार्यक्रममा ब्रम्हाकुमारी अप्सराले सकारात्मक कार्य गर्नेहरुको सम्मानबाट नै समाज अघि बढ्ने बताइन् ।
सम्मानित व्यक्तित्व गुरुङले समाजसेवीको नाममा स्थापित पुरस्कार पाउँदा जिम्मेवारी थपिएको बताइन् । पुरस्कारवापतको रकम कुनै सामाजिक कार्यमा लगाउने उनले घोषणा गरिन् ।
कार्यक्रममा पत्रकार महासंघ केन्द्रीय सदस्य सरिता तिम्सिना पगेनी, पुरस्कार छनोट समिति संयोजक लक्ष्मी शर्मा भट्टराई, स्व. इन्द्रा क्षत्रीको छोरी सुजता लगायतले संस्थाले महिलाको क्षेत्रमा उल्लेख्य काम गरेको बताए । संस्था अध्यक्ष सविता बरालको अध्यक्षतामा भएको कार्यक्रमको सदस्य गीता विष्टले सञ्चालन गरेकी थिइन् ।
अध्यक्षमा रमा
मानव मिलन नारी जागरण नेपालको अध्यक्षमा रमा ढकाल चयन भएकी छिन् ।
संस्थाको पाँचौं अधिवेशनले उनको अध्यक्षतामा १५ सदस्यीय नयाँ कार्यसमिति सर्वसम्मत चयन गरेको हो । उपाध्यक्षमा मेनका पोखरेल, सचिव गीता विष्ट, सहसचिव देवी बराल र कोषाध्यक्ष रुक्मिणी खड्का चयन भए । निर्वाचित अध्यक्ष ढकालले संस्थाको गरिमा उचो पार्ने गरी नयाँ–नयाँ कार्यक्रम गर्ने प्रतिबद्धता जनाइन् । आफ्नो कार्यकालमा महिलाको हकहित अधिकारका लागि खटिने उनले बताइन् ।
Related News
सम्बन्धित समाचार
पोखरा ६ मा साबुन बनाउने तालिम
रोजगारी दिनेभन्दा खोज्ने कम : २ सय ४५ जनाले पाए रोजगारी
गण्डकी बोर्डिङका शिक्षकलाई तालिम
प्यान गण्डकीको प्रथम भेला : वामदेवको अध्यक्षतामा नयाँ कार्यसमिति गठन
एनटिभिएको शुभकामना आदानप्रदान
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१