पोखरा। प्रथम गण्डकी प्रदेशस्तरीय पुरुष भलिबल उपाधिको लागि बागलुङ र स्याङजा भिड्ने भएका छन् । गण्डकी प्रदेश भलिबल संघको आयोजनामा प्रतियोगिताको शनिबार सेमिफाइनलमा बागलुङले कास्की र स्याङ्जाले नवलपुरलाई जित्दै उपाधि नजिक पुगेका हुन् ।

पहिलो सेमिफाइनलमा ३–१ सेटमा कास्कीलाई पराजित गर्दै बागलुङले फाइनल यात्रा तय गरेको हो । कास्कीले पहिलो सेट २५–१६ ले जितेर आफ्नो पक्षमा पार्न सफल भए पनि लगातार ३ सेट बागलुङलाई सुम्पिन पुगेको थियो । बागलुङले दोस्रो, तेस्रो र चौंथो सेट २५–२०, २६–२४ र २५–२० ले लगातार जित्दै फाइनलको यात्रा तय गरेको हो ।

दोस्रो सेमिफाइनलमा स्याङ्जाले नवलपुरलाई ३–२ सेटमा हराएको हो । स्याङ्जाले २५–२२, २५–२० र २५–२०, २५–१७ र १५–७ अंकले जित्दै फाइनलमा बागलुङसँगको भेट पक्का गरेको हो ।

पोखरा रंगशालामा शनिबार दिउँसो २ बजे फाइनल हुने संघका महासचिव तहलसिंह थापामगरले बताए । त्यसअघि तेस्रो स्थानका लागि नवलपुर र कास्कीबीच प्रतिस्पर्धा हुनेछ ।
प्रतियोगिताको उपाधि विजेताले २ लाख, उपविजेताले १ लाख र तृतीयले ५० हजार तथा चौंथोले २५ हजारसाथमा कप, मेडल र प्रमाणपत्र प्राप्त गर्ने छन् । सर्वोत्कृष्ट खेलाडीलाई २० हजार साथमा ट्रफी र मेडल प्रदान गरिनेछ । उत्कष्ट पाँच विधाअन्तर्गत सेटर, लिब्रो, सर्भर, ब्लकर, स्पाइकर र कोचलाई जनही १० हजार प्रदान गरिने आयोजकले जनायो ।