शुक्ललाई गल्फ उपाधि

आदर्श समाज सम्वाददाता
असाेज १०, २०७९
gulf

पोखरा । नवौं राष्ट्रिय खेलकुदमा ४ पुरुष र ३ महिला गल्फर प्रशिक्षणमा व्यस्त रहँदा प्रतिस्पर्धात्मक खेल खेल्दै पाका गल्फरले उनीहरुलाई साथ दिएका छन् । प्रतिस्पर्धा पोखरा–१४ हिमालयन गल्फ कोर्षमा भएको थियो ।

युवा खेलाडीको मनोबल उच्च बनाउने ध्येयसहित पोखराका पाका गल्फरबीच मन्थली मेडल प्रतिस्पर्धा गरिएको थियो । प्रतिस्पर्धामा पाका सहभागिता जनाउँदा नवौंको लागि छनोट भएका खेलाडीहरु भने उनीहरुको स्ट्रोक हेर्न व्यस्त थिए ।

स्टेबल फोर्ड फुल ह्यान्डिक्यापमा भएको प्रतिस्पर्धाको उपाधि मेजर डा. अमरेशनारायण शुक्लले जिते । २४ ह्यान्डिक्यापका उनले ३६ स्कोरसहित उपाधि जित्दा १८ ह्यान्डिक्यापका क्या. कृष्ण पुन भने ३६ अंकसहित उपविजेतामा रहे ।

विजेतालाई कास्की जिल्ला गल्फ संघका पदाधिकारीलगायत विभिन्न व्यक्तिले पुरस्कार प्रदान गरे ।

प्रतियोगितामा २४ जना गल्फरले सहभागिता जनाएका थिए । २६ स्कोरसहित ग्रसतर्फको विजेता भने गणेशकुमार गुरुङले हात पारे । उनी १० ह्यान्डीक्यापका खेलाडी रहेको हिमालयन गल्फ कोर्षका व्यवस्थापक भुबहादुर गुरुङ (भुवन) ले बताए । व्यवस्थापक गुरुङ नवौं राष्ट्रिय खेलकुद प्रतियोगिताका गल्फका प्रशिक्षकसमेत हुन् ।

Related News

सम्बन्धित समाचार

hero news full width