पोखरा । पोखरा २, वरपाटरस्थित विन्ध्यवासिनी मावि विद्यालय व्यवस्थापन समितिको अध्यक्षमा पोखरा २, भीमसेन टोलका समाजसेवी रवीन्द्र बाटाजु सर्वसम्मत चयन भएका छन् ।

चयन भएका र मनोनीत गरी कुल ९ जना सदस्यबाट बाटाजु अध्यक्षमा छानिएका हुन् । उनी वडा शिक्षा समिति वडा २ बाट सिफारिस भएका सदस्य हुन् । यसअघि अभिभावकको भेलाले सदस्यमा बाटाजूसहित लालुप्रसाद अधिकारी, अनिता जिसी, मञ्जु विक, वडा २ वडा प्रतिनिधि सदस्य गौतम विजुक्छे, अग्निप्रसाद भुषाल, शिक्षक प्रतिनिधि हरिप्रसाद गौडेल र सदस्य सचिव प्रधानाध्यापक वसन्तराज पाण्डे सहितको ८ सदस्यिय समिति चयन गरेको थियो । सुदर्शन भारी पोखरा २, भीमसेनटोललाई सदस्यमा मनोनीत गरिएको हो ।

बैठकले समिति गठन गर्न सहयोग गर्ने पोखरा महानगरपालिका शिक्षा महाशाखा, वडा २ वडा अध्यक्ष दिवसमान प्रधानाङ्ग लगायत वडा कार्यालय, अभिभावक, शिक्षक कर्मचारी, विद्यार्थी तथा सम्पूर्ण शुभेच्छकहरुप्रति विद्यालय परिवारको तर्फबाट हार्दिक धन्यवाद व्यक्त गरेको छ । निर्वाचित भएपछि अध्यक्ष बाटाजुले विद्यालयलाई थप गुणस्तरयुक्त बनाउनका लागि सबैको साथ र सहयोग लिएर अघि बढ्ने प्रतिवद्धता व्यक्त गरे । यसका लागि सदाझै सबैको साथ र सहयोगको लागि अनुरोध समेत उनले गरे ।