पोखरा । निवृत्त शिक्षक समुदाय कास्कीको माछापुच्छ्रे गाउँपालिकास्तरीय भेलाले जयलाल दवाडीलाई अध्यक्ष चयन गरेको छ । उपाध्यक्ष गोविन्दप्रसाद अधिकारी, सचिव थानेश्वर लम्साल, कोषाध्यक्ष शशीधर अधिकारी चयन भए ।

सदस्यहरु गिरेन्द्र हमाल, खड्कबहादुर थापा, गोविन्दप्रसाद अधिकारी र सूर्य लम्साल छन् । २ सदस्य पछि थप गरिने बताइएको छ ।

जिल्ला अध्यक्ष छबिलाल आचार्यले हालसम्म जिल्ला र केन्द्रले भए गरेका कार्यक्रम र भावी कार्यक्रमबारे जानकारी गराएका थिए । कार्यक्रम जिल्ला सचिव शेषकान्त आचार्यले सञ्चालन गरेका थिए । शिक्षक समुदाय कास्कीमा ४ सय हाराहारीमा निवृत्त शिक्षक आबद्ध छन् ।

जिल्ला उपाध्यक्ष नरबहादुर गुरुङले निवृत्त जीवन सरल तरिकाले जिउन शिक्षक स्वयंले नै विविध कार्यक्रम गर्नुपर्ने उल्लेख गरे ।

नवनिर्वाचित अध्यक्ष जयलाल दबाडीले पालिकाभरका निवृत्त शिक्षकहरुको पहिचान गरेर छिट्टै संस्थामा आबद्ध गराउने बताए ।

नवनिर्वाचित उपाध्यक्ष गोविन्दप्रसाद अधिकारीले जिल्लाका सम्पूर्ण शिक्षकहरुको विवरण समावेश गरेर एक पुस्तक प्रकाशन गरिनुपर्ने, २०७३ सालअघि निवृत्त शिक्षकहरुले पनि छुट भएको ग्रेड पाउनुपर्ने, निजामती कर्मचारीसरह सहुलियत पाउनुपर्ने बताए ।