लेखनाथ । रुपा गाउँपालिका ५, फेदीमा लाखे नाच प्रतियोगिता हुने भएको छ । स्थानीय फेदी नेवा खलः ले साउन २१ मा गण्डकी प्रदेशस्तरीय लाखे नाच प्रतियोगिता आयोजना गरेको पत्रकार सम्मेजनामा जानकारी दिइयो ।

‘कला संस्कृतिको संरक्षण, पहिचान र पर्यटनको प्रवद्र्धन’ नाराका साथ स्थापित फेदी नेवा खलःले नेवाः समुदायको कला संस्कृतिको संरक्षण एवं नयाँ पुस्तामा हस्तान्तरणका साथै एकताको सन्देश प्रवाहका लागि प्रतियोगिता आयोजना गरिएको अध्यक्ष मोहन जोशीले जानकारी दिए ।

प्रथम हुनेलाई ३३ हजार ३ सय ३३, द्वितीयलाई २२ हजार २ सय २२ र तृतीयलाई ११ हजार १ सय ११ प्रदान गरिनेछ । साथै उत्कृष्ट अनुशासित टिमलाई र उत्कृष्ट भेषभूषालाई ४ हजार ४ सय ४४ रुपैयाँ प्रदान गरिने क्लब सचिव सुरेन श्रेष्ठले बताए ।

प्रतियोगितामा कास्कीसहित छिमेकी जिल्लाबाट २३ टिमको सहभागिता रहने बताइएको छ ।

प्रतियोगितामा १२ लाख आम्दानी र ७ लाख खर्च हुने आयोजकको अनुमान छ । बचत रकम फेदी नेवाः खलको बहुउद्देश्यीय भवन निर्माणमा लगाइने आयोजनलो जनायो ।