पोखरा । ओपन डे नाम दिएर पोखराको फिस्टेल एकेडेमीले शनिबार विद्यालय परिसरमा एक कार्यक्रम आयोजना गरेको छ ।
विद्यालयमा ११ कक्षामा भर्ना हुन चाहने विद्यार्थीलाई लक्षित गरी आयोजित कार्यक्रममा विद्यार्थी, अभिभावक र उक्त विद्यालयको पठनपाठन र भौतिक संरचनाबारे जानकारी लिन चाहने आगन्तुकको उपस्थिति थियो । साइन्स र म्यानेजमेन्ट विथ कम्प्युटर साइन्सको पढाइ ११ कक्षामा हुने विद्यालयका संस्थापक अध्यक्ष चिनु रानाभाटले जानकारी दिए ।
यसप्रकारको कार्यक्रम विद्यालयले दोस्रो पटक आयोजना गरेको र गत जेठमा आयोजित पहिलो कार्यक्रममा नेपाली चलचित्रजगत्का महानायक राजेश हमाल उपस्थित रहेको अध्यक्ष रानाभाटले सुनाए । शनिबार आयोजित कार्यक्रममा हस्तकला र घरेलु प्रयोगका सामग्री प्रदर्शनी, कला, खेल र खानासम्बन्धी स्टल समावेश थिए । नाचगान, संगीत र रमाइला गतिविधि पनि सो अवसरमा समेटिएको थियो । भर्ना हुन चाहने विद्यार्थीको प्रि–रजिस्ट्रेसन पनि गरिएको थियो ।
२०५१ सालमा स्थापित फिस्टेल हाल पोखरा–१७, तल्लो बिरौटामा सुविधासम्पन्न संरचनामा संचालित छ
२०५१ सालमा स्थापित फिस्टेल हाल पोखरा–१७, तल्लो बिरौटामा सुविधासम्पन्न संरचनामा संचालित छ । ३ सय कामदारलाई २ सिफ्टमा काम लगाएर कोभिडबीच २० महिनामा यो भवन तयार गरिएको हो । विद्यालयले खेलमैदान सहित कुल ४३ रोपनी ओगटेको छ । जग्गाको मूल्य बाहेक १ अर्ब रुपैयाँ लागतमा संरचनाहरु निर्माण गरिएको अध्यक्ष रानाभाटले जानकारी दिए । १ देखि १२ कक्षासम्मको पढाइ हुने विद्यालयमा विविध विषय र फ्याकल्टीका ७ ओटा ल्याब, डाक्टरसहितको स्वास्थ्य कक्ष, पुस्तकालय, नाच, नाटक र संगीतका लागि अलग अलग कक्षहरु, ३ सय भन्दा बढी मानिस एकै पटक बसेर खान सकिने डाइनिङ हल लगायत सुविधा छन् । कक्षा कोठाहरु चौडा र पर्याप्त प्रकाश छिर्नेखालका छन् । पाँचतारे होटलको झल्को दिने विद्यालय भवन, फरक ब्लकमा प्रशासनिक भवन, फुटबल, लनटेनिस, बास्केटबलका लागि आवश्यक मैदान र कोर्टहरु तथा पौडीका लागि पोखरी समेत यहाँ छ ।
प्रोग्रेसिभ टिचिङको अवधारणामा संचालित विद्यालयले मास बेस अर्थात् विद्यार्थी संख्याभन्दा पनि पढाइको गुणस्तर र क्रियाकलापजन्य शिक्षामा बढी जोड दिएको अध्यक्ष रानाभाटले बताए । अन्तक्र्रियात्मक, छलफलयुक्त र व्यावहारिक शिक्षा यहाँ प्रदान गरिने विद्यालयको दाबी छ । ‘पहिला गुणस्तरीय र विश्वस्तरको पढाइका लागि विदेश जानु पथ्र्यो,’ अध्यक्ष रानाभाटले भने ‘अब विकल्प यहीं तयार भएको छ ।’
विद्यालयमा अमेरिका, जापान, चीन, ताइवान लगायत देशका बच्चाहरु समेत पढ्ने गरेको जनाइएको छ । विश्वस्तरको सुविधासहित संचालित विद्यालयमा काठमाडौं र भारतका शिक्षक–शिक्षिका समेत छन् । टिचिङ र नन–टिचिङ गरी १ सयभन्दा बढी शिक्षक–शिक्षिका र कर्मचारी विद्यालयमा रोजगाररत् छन् । यहाँ ५ सय विद्यार्थी पढ्छन् ।
Related News
सम्बन्धित समाचार
पामेका अनधिकृत संरचनामा महानगरको डोजर
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
hero news full width
मुख्य समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१