लमजुङ । लमजुङमा ‘असल बुहारी’ को सम्मान गरिएको छ । ज्येष्ठ नागरिक समाज, सुन्दरबजार ८ ले ५ जना असल बुहारी/पत्नीलाई र १५ ज्येष्ठ नागरिकको सम्मान गरेको हो ।
समाजमा ज्येष्ठ नागरिक हेला बन्दै गएको, त्यो पनि बढी मात्रामा बुहारीका कारणले वृद्धवृद्धाप्रति दुव्र्यवहार हुने भएको पाइएकोले असल बुहारी/श्रीमतीलाई सम्मान गर्ने नीति लिएको समाजले जनाएको छ ।
सम्मानित हुने बुहारीमा पूर्णकुमारी अधिकारी, रविकला अधिकारी, मधु आचार्य खनाल र लक्ष्मी भुजेल हुन् । असल श्रीमतीमा चन्द्री गुरुङ सम्मानित भएको समाजका अध्यक्ष नारायणबहादुर कँुवरले बताए । उनका अनुसार चन्द्रीले पक्षघातले थला परेका पतिको स्याहार गर्दैआएकोले उनको सम्मान गरिएको हो । उनले भने, ‘त्यसो त चन्द्रिका र उनका पति दुवै ज्येष्ठ नागरिक समेत हुन् ।’ उनीहरूलाई दोसल्ला र सम्मान पत्रद्वारा सम्मान गरिएको हो ।
कार्यक्रममा मेयर कृष्णप्रसाद कोइरालाले असल बुहारी सम्मान कार्यक्रमले समाजमा सकारात्मक सन्देश प्रवाह भएको बताए । सो कार्यको अनुशरण सबै वडाले गर्नुपर्ने बताए ।
समारोहमा मेयर कोइरालाले १५ जना वृद्धवृद्धालाई सम्मान गरेका हुन् । समाजद्वारा ७९ वर्षदेखि ९० वर्ष उमेर समूहका १५ जना वृद्धवृद्धालाई दोसल्ला ओढाइ लौरो, टर्च लाइट र च्यावनप्राशसहित सम्मान गरिएको हो । समाजले हरेक वर्ष समाजमा आवद्ध ज्येष्ठ नागरिकका साथै वृद्ध बाआमा, सासुससुराको राम्रो हेरचाह गर्ने बुहारीहरूलाई सम्मानित गर्दै आएको समाजका उपाध्यक्ष वसन्तराज खनालले बताए ।
सम्मानित हुनेमध्ये सर्वाधिक उमेरका ज्येष्ठ नागरिकमा वडा ९ की ९० वर्षीय नानुमाया भुजेल हुन् ।
कार्यक्रममा समाजका सल्लाहकार धु्रववहादुर कुँवर, ज्येष्ठ नागरिक समाज राइनास नगरपालिकाका अध्यक्ष गोविन्द कडरियाले शुभकामना मन्तव्य व्यक्त गरे । सम्मानित हुने बुहारी रविकला अधिकारीले आफ्नो अनुभव सुनाएकी थिइन् ।
सो अवसरमा समाजका कोषाध्यक्ष चन्द्रकान्त अधिकारीले ४५ हजार ४ सय ९८ रुपैयाँ बराबरको आयव्यव विवरण प्रस्तुत गरेका थिए । समाजमा सुन्दरबजार ८ र ९ का ७३ जना ज्येष्ठ नागरिक आवद्ध रहेको समाजका सचिव शेरसिंह कार्कीले बताए ।
Related News
सम्बन्धित समाचार
नवलपुरमा २५ सय हेक्टर वन सखाप
गण्डकीमा डायलासिसका लागि अब पालो कुर्न नपर्ने
अधिकारी सरकारको मुख्य न्यायाधिवक्ता चिरन्जीवी शर्मा !
कामचलाउ सरकारको आयु लम्बियो
गण्डकी सरकार विरुद्धको रिट सपना र सारंगाको बेन्चमा
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१