पोखरा । ब्रेकिङ बाउन्ड्रिज एमसिसी अन्तरविद्यालय छात्रछात्रा क्रिकेट प्रतियोगितामा सिद्धार्थ मावि र भद्रकाली मावि विजयी भएका छन् ।

बिहीबार पहिलो खेलमा सिद्धार्थले शुक्रराज बलभद्र माविलाई ६ विकेटले पराजित गरेको थियो । अर्को खेलमा भद्रकालीले महेन्द्र माविमाथि ८ विकेटको जित निकाल्यो ।

पहिला व्याटिङ गरेको भद्रकालीले ६३ रनमै सम्पूर्ण विकेट गुमाएको थियो । खेलमा १ ओभर बलिङ गर्दै ३ रन खर्चिएर ४ विकेट लिएका सिद्धार्थका सन्देस नेपाली म्यान अफ द म्याच भए । अर्को खेलमा पहिला व्याटिङ गरेको महेन्द्र माविले १५ ओभरमा सम्पूर्ण विकेट गुमाएर ५९ रनमात्रै बनाउन सक्यो । प्रत्युत्तरमा भद्रकालीले ८.४ ओभरमै ६० रनको लक्ष्य भेटाएको थियो । भद्रकालीका असिम गुरुङले १८ बलमा ६ चौकाको मद्धतमा २६ रन बनाए । बलिङतर्फ ३ ओभरमा २ मेडनसहित २ विकेट लिएका भद्रकालीका रविन गुरुङ म्यान अफ द म्याच भएका थिए ।