पोखरा। पोखरा रंगशालामा जारी २३ औं आहा रारा पोखरा गोल्डकपको शनिबार थ्रीस्टार र विभागीय त्रिभुवन आर्मी क्लबबीच उपाधि भिडन्त हुँदैछ । पाँच पटकको विजेता थ्रीस्टार अर्को उपाधि दाउमा हुँदा आर्मी पहिलो पल्ट उपाधि जितेर इतिहास रच्न चाहन्छ । शुक्रबार प्रिम्याच कन्फ्रेन्समा समेत दुबै टिमका प्रशिक्षक र कप्तानले आफूहरू सक्षम रहेको र उपाधि आ–आफ्नो पक्षमा पर्ने दाबी गरे ।
आर्मीका कोच मेघराज केसी फाइनल खेल निकै रोमाञ्चक हुने बताउँछन् । उनले आफू प्रशिक्षकको रुपमा रहँदै उपाधिको ह्याट्रिक गर्ने दाउमा रहेको सुनाए । आर्मीलाई उपाधि जिताएर आहा राराको इतिहासमा नाम लेखाउने उनको भनाइ थियो । उनले आहा राराले नेपालमा अनुभवी खेलाडीको विदेश पलायनबीच नयाँ खेलाडीलाई आफ्नो क्षमता प्रदर्शन गर्ने अवसर जुराएको बताए । कप्तान भरत खवासले फाइनल खेल निकै ‘टफ’ हुनेमा संकेत गर्छन् ।
थ्रीस्टारका प्रशिक्षक विक्रम लामाले फाइनलमा मैदानभित्र मात्रै नभई बाहिरको माहोल उत्तिकै खरो हुने बताए । उनले कुनै बेला प्रशिक्षक रहेका मेघराज केसी र आफूबीचको प्रतिस्पर्धालाई समेत रोचक रुपमा हेरेको उनको भनाइ थियो । उनले पहिले गुरूकै निर्देशनमा रहेर खेल्ने गरे पनि आज गुरुसँगै प्रतिस्पर्धा गर्न पाउनु संयोग हो भने । उनले पहिलो खेलमा भन्दा दोस्रोमा, दोस्रोमा भन्दा तेस्रो म्याचमा खेलाडीले सुधारिएको खेल पस्केको बताए । जसका कारण आफूहरुको टिम सक्षम रहेको उनको दाबी छ । केही कमी कमजोरी सुधार उत्कृष्ट खेल पस्किने उनले वाचा गरे ।
थ्रीस्टारका कप्तान विराज महर्जनले आर्मी बलियो टिम भएको र थ्रीस्टार युवा खेलाडीहरुको टिम भएको सुनाए । उनका अनुसार आर्मीमा टिमको अनुभव भए पनि थ्रीस्टारमा खेलको अनुभव भएका युवाहरु रहेको जनाउँदै आफूहरु पनि इतिहास रच्नेतर्फ उन्मुख भएको दाबी गरे ।
उद्घाटनमा आयोजक सहारा क्लब पोखरालाई २–१ ले हराएको थ्रिस्टारले क्वाटरफाइनलमा भुटानको पारो फुटबल क्लबलाई २–० र सेमिफाइनलमा जाउलाखेल युथलाई १–० ले हराउँदै छैटौं पटक उपाधि नजिक पुगेको हो ।
आर्मीले पहिलो खेलमा नवलपुरको राइजिङ स्टारलाई १–०, क्वाटरफाइनलमा साविक विजेता संकटालाई ३–० र सेमिफाइनलमा लिग विजेता चर्च ब्वाइज युनाइटेडलाई २–१ ले हराउँदै सानदाररूपमा फाइनल प्रवेश गरेको हो । २०६० देखि खेल्दै आएको आर्मी १५ पटकको सहभागितामा चार पटक फाइनल पुगेर पनि उपाधिबाट वञ्चित छ । पछिल्लो समय २०७५ मा आर्मी फाइनलमै थ्रिस्टारबाटै पराजित भएको थिषो । यसपालि त्यो हारको बदला लिने पनि अवसर हुनेछ ।
आहारारामा आर्मी ४ पल्ट फाइनल पुग्दा थ्रीस्टार ६ पटक फाइनल पुग्ने टिम हो । थ्रिस्टारले २०६३, २०६७, २०६९, २०७१ र २०७५ मा उपाधि चुमेको थियो । २०७४ मा नेपाल पुलिससँग १–० पराजित हँुदै फाइनल पुगेर पनि उपविजेता बनेको थियो । आर्मीले २०६५, २०६६, २०७२ र २०७५ मा फाइनल यात्रा तय गरेको थियो । २०७५ सालको १७ औं संस्करण फाइनलमा थ्रीस्टारसँग आर्मी फाइनलमा चुकेको थियो । त्यसबेला निर्धारित समयको खेल २–२ को बराबरी भएपछि टाइब्रेकरमा ५–४ गोलअन्तरले थ्रिस्टारले उपाधि आफ्नो पक्षमा पारेको थियो ।
आयोजक सहारा क्लब पोखराले बर्सेनि प्रतियोगिता गरेर बचत रकम सहारा एकेडेमीमा खर्च गर्दै आएको क्लब अध्यक्ष केशवराज बरालले बताए । गत ९ माघदेखि सुरू प्रतियोगितामा १२ टिमले भाग लिएका थिए । विजेताले नगद १२ लाख र उपविजेताले ६ लाख रुपैयाँ प्राप्त गर्ने प्रतियोगिता संयोजक पूर्णबहादुर गुरूङले बताए ।
दोस्रो सेमिफाइनलमा चर्च ब्वाइजलाई हराउँदा १ गोल गरेका उनले क्वाटरफाइनलमा संकटालाई हराउँदा व्यक्तिगत २ गोल गरिसकेका थिए ।
Related News
सम्बन्धित समाचार
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
मानवअधिकार आयोगसमक्ष द्वन्द्वपीडित समुदायको ज्ञापन
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
मनिपालमा अत्याधुनिक एमआरआई मेसिन
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१