पोखरा। त्रिभुवन आर्मी क्लबले २३ औं आहा रारा पोखरा गोल्डकपको उपाधि चुम्न सफल भएको छ ।

शनिबार फाइनलमा पाँचौं पटकसम्मको विजेता थ्रिस्टारलाई ३–० गोलअन्तरले पराजित गर्दै २० वर्षपछि आर्मीले पहिलो पल्ट उपाधि चुमको हो । उपाधिसहित उसले नगद १२ लाख प्राप्त ग¥यो ।

२०६० सालदेखि यो सहित १५ औं पल्टसम्म पोखरा रंगशालामा फुटबल खेल्न आएको विभागीय आर्मी यसअघि चार पल्ट फाइनल पुगेर पनि उपाधिबाट वञ्चित थियो ।

फाइनलमा जितका लागि आर्मीका क्याप्टेन जिलेप्सीजंग कार्कीले खेलको ३८ औं मिनेटमा गोल गर्दै अग्रता दिलाएका थिए । सिद्धान्त चौधरीले दायाँ साइडबाट हानेको कर्नरमा विपक्षीको बक्सको बायाँ साइडमा अनमार्क जिलेस्पी हेड प्रहार गर्दै सुन्दर गोल गरेका हुन् ।

दोस्रो हाफमा आर्मीले थप २ गोल थपेको हो । खेलको ८३ औ मिनेटमा फत्तेमान घले र इन्जुरी टाइममा वसन्त जिम्बाले गोल गरेका हुने ।

१० हजार बढी दर्शकको उपस्थितिमा भएको खेलमा अत्यन्तै प्रतिस्पर्धात्मक खेलमा थ्रीस्टारले केही राम्रा अवसर गुमाउँदा सर्वाधिक उपाधिका लागि नेपाल पुलिस र मनाङसँग बराबरी गर्न चुकेको छ । उपविजेताले ६ लाख पुरस्कार पाएको छ । आर्मीका विमल पाण्डे सर्वोत्कृष्ट खेलाडी घोषित हुँदै स्कुटर चढे ।

५ वर्षअघि फाइनलमा थ्रीस्टारले टाइब्रेकरमा आर्मिलाई हराएकोमा यसपालि बदला लिएको हो ।

विधागत पुरस्कारमा आर्मीकै वर्चश्व–