पोखरामा खुल्याे मेवन कन्सल्टेन्सीको शाखा

आदर्श समाज सम्वाददाता
जेठ १२, २०७९

पोखरा । मेवन कन्सल्टेन्सीले पोखरामा शाखा खोलेको छ । बिहीबारबाट पोखराको न्यूरोड महानगरपालिकाको कार्यालयको नजिकै शाखा सुरुआत गरिएको हो ।

गण्डकी प्रदेशका शिक्षा, संस्कृति, विज्ञान, प्रविधि तथा सामाजिक विकास मन्त्री मेखलाल श्रेष्ठले शाखा उद्घाटन गरे । श्रेष्ठले विदेशमा पढेर त्यहाँ आर्जन गरेको ज्ञान, सीप नेपालमा आएर प्रयोग गर्नुपर्ने बताए । उनले विद्यार्थीले विदेशमा पढ्नमात्र नभई त्यहाँका मानिसको सभ्यतासमेत सिकेर आउनुपर्ने उल्लेख गरे ।

अस्ट्रेलियामा केन्द्रीय कार्यालयमा रहेको मेवनका नेपालमा अब काठमाडौं, झापा र पोखरा गरी ३ ठाउँमा शाखा भएका छन् । मेवनले १३ देशमा रहेका शाखाबाट विद्यार्थीलाई परामर्श दिँदै आएको छ । उच्च शिक्षाका लागि युएसए, अस्ट्रेलिया, युके, क्यानडा, न्युजिल्यान्ड लगायतका देश जान चाहने विद्यार्थीलाई शैक्षिक परामर्श लगायतका सेवा दिने उद्देश्यसहित शाखा सञ्चालनमा आएको पोखरा शाखाकी म्यानेजिङ डाइरेक्टर भावना पोखरेलले बताइन् । ‘शैक्षिक परामर्शका क्षेत्रमा रहेका विकृति, विसंगतिभन्दा अलग रहेर नयाँ तौरतरिकाले परामर्श दिने प्रतिबद्धताका साथ हामीले पोखरामा शाखा सञ्चालनमा ल्याएका हौं,’ उनले भनिन् ।

समारोहमा सहभागी विद्यार्थीलाई मेवनका प्रबन्ध निर्देशक अनिल त्वाना बसुले प्रशिक्षण दिएका थिए । उनले विद्यार्थीलाई करियरको विकासमा केन्द्रित हुन आग्रह गरे । ‘करियर डेभलभमेन्ट कसरी गर्न सिकिन्छ, हाम्रो कन्सल्टेन्सीबाट यसबारे पूर्ण जानकारी दिएर विद्यार्थीलाई अगाडिको अध्ययनका लागि प्रोसेस गछौं,’ अनिलले भने, ‘हाम्रो कन्सल्टेन्सीबाट विदेश पुगिसकेपछि कुनै सहयोग चाहिँदा हामी सेवा गर्न तत्पर हुनेछौं ।’

प्रबन्ध निर्देशक अनिलले विद्यार्थीको आर्थिक अवस्था मध्यनजर गरी चाहेको कलेजमा पढ्ने वातावरण मिलाइने उल्लेख गरे । मावेनका भलिबल, फुटबल र क्रिकेट क्लब छन् । यसले खेलकुदमा रुचि भएका विद्यार्थीलाई अझ सहयोग हुने उनको ठम्याइ छ ।

शाखा सुरुआतकै दिनमा १ सय ३० विद्यार्थी र अभिभावकले अफिस भिजिट गरी सेवाबारे जानकारी लिएका छन् । बिहीबार अफिस भिजिट गर्नेलाई प्रोसेसिङ शुल्कमा छुट दिइएको कम्पनीले जनाएको छ । कन्सल्टेन्सीले अनलाइन आएल्स, पिटिइ कक्षासमेत सञ्चालन गर्ने जनाएको छ ।

सम्बन्धित समाचार

एसओएसमा विद्यार्थी परिषद्

आदर्श समाज सम्वाददाता असार १७, २०७९

पोखरा । एसओएस हर्मन माइनर स्कुल, घारीपाटनमा विद्यार्थी परिषद्को एक कार्यक्रमबीच पुनर्गठनसँगै पदस्थापन भएको छ । हरेक वर्ष विद्यार्थीको शैक्षिक…
एसओएस गण्डकीको स्वर्णजयन्ती

आदर्श समाज सम्वाददाता असार ११, २०७९

पोखरा । एसओएस बालग्राम गण्डकीले स्वर्णजयन्ती मनाएको छ । सो अवसरमा पोखरा उपत्यकास्तरीय वक्तृत्वकला तथा चित्रकला प्रतियोगिता र सांस्कृतिक कार्यक्रम…
प्रतिस्पर्धामा उत्रनसक्ने अनुसन्धानमूलक शिक्षामा जोड

आदर्श समाज सम्वाददाता असार ९, २०७९

पोखरा । युग सुहाउँदो प्रविधिमैत्री र अनुसन्धानमूलक शिक्षा अहिलेको आवश्यकता हो । कार्यक्रमहरुमा यस विषयले स्थान पाउँछ, तर व्यवहारमा भने…
नेपाली भाषा शिक्षकहरुका लागि प्रबोधीकरण

आदर्श समाज सम्वाददाता असार ५, २०७९

पोखरा । नेपाली भाषा शिक्षक परिषद कास्कीको आयोजनामा पोखरामा एक दिने प्रबाेधीकरण कार्यक्रम सम्पन्न भएको छ । परिवर्तित पाठ्यक्रम तथा …
प्रतिभा बाल क्लब पुनर्गठन

आदर्श समाज सम्वाददाता जेठ २४, २०७९

म्याग्दी । गौ बोमबस्त मावि, मालिका गाउँपालिका–५, मगरदाङमा क्रियाशील प्रतिभा बाल क्लब पुनर्गठन भएको छ । विद्यार्थीको चौतर्फी विकास, बाल…