पोखरा । बिटी क्लबको आयोजनामा पोखरामा जारी १५ औं बिटी कप पाँचौ वीरेन स्मृति सेभेन ए साइड फुटबल प्रतियोगितामा आयोजक, एयरपोर्ट युवा क्लब, हाम्रो एफसी र लेकसाइड क्लब सेमिफाइनल प्रवेश गरेका छन् ।

पुरानो टुँडिखेलमा शुक्रबार पहिलो खेलमा एलजी एसोसिएसनलाई आयोजक टोलीले १–० गोलअन्तरले पराजित गर्दै अन्तिम ४ मा पुगेको हो । उसको जीतमा भोमोले निर्णायक गोल गरे ।

हाम्रो एफसी र मालेपाटन क्लबको दोस्रो क्वाटरफाइनल १–१ गोलको बराबरीमा सकिएपछि टाइब्रेकरमा हाम्रो एफसीले २–१ अन्तरमा जीत हात पा¥यो । जीतसँगै सेमिफाइनलमा हाम्रो एफसीले आयोजकसँग प्रतिस्पर्धा गर्नेछ ।

अर्काे क्वाटरफाइनलमा एयरपोर्ट युवा क्लबले करापुटारलाई २–० गोल अन्तरले सहज जीत निकाल्यो । एयरपोर्टको जीतमा सिआर गुरुङले २ गोलको योगदान दिएको आयोजक क्लब अध्यक्ष विजया गुरुङले जनाइन् । अन्तिम क्वाटरफाइनलमा लेकसाइड एफसीले रामघाट क्लबलाई १–० गोलले हराउँदै फाइनल प्रवेशका लागि एयरपार्टसँग भेट सुनिश्चित गरेको छ ।

सेमिफाइनल र फाइनल शनिबार नै हुनेछ । विजेताले सिल्ड, मेडल तथा प्रमाणपत्रसहित १ लाख ५१ हजार १ सय ५१ रुपैया प्राप्त गर्नेछ भने उपविजेताले सिल्ड, मेडल तथा प्रमाणपत्र सहित ९१ हजार १ सय ११ रुपैयाँ प्राप्त गर्नेछ । सर्वाेत्कृष्ट हुने खेलाडीलाई ट्रफीसहित ७ हजारद्वारा पुरस्कृत गरिनेछ । उत्कृष्ट गोलरक्षक, डिफेन्डर, मिडफिल्डर र सर्वाधिक गोलकर्तालाई समान ५ हजार रुपैयाँ र ट्रफी दिइने छ भने अनुशासित टिमले ८ हजार प्राप्त गर्नेछ ।