पोखरा । कम्युनिटी सपोर्ट ग्रुप (सिएसजी) ले शुक्रबार पोखरामा सरोकारवालाहरुसँग समन्वयात्मक बैठक गरेको छ ।
कार्यक्रममा पोखरा स्वास्थ्य विज्ञान प्रतिष्ठानका निर्देशक प्राडा. भरतबहादुर खत्रीले समस्या सबै ठाउँमा हुने भएकाले समाधानका बाटो खोज्दै अगाडि बढ्नुपर्ने बताए । ‘लागु औषध पनि एक खालको समस्या हो, यसका पनि समाधान छन् खोज्न सक्नुपर्छ,’ उनले भने । ग्रुपले लागुपदार्थ दुव्र्यसनी नियन्त्रण र एचआइभीको क्षेत्रमा अग्रणी भूमिका खेलेको बताए । ‘ग्रुपले धेरै राम्रा कार्यक्रम ल्याएको छ,’ उनले भने, ‘आगामी दिनमा सेवा बिस्तार गर्दै जानुपर्छ ।’ आगामी दिनमा ग्रुपसँग मिलेर धेरै काम गर्दै जान सकिने उनले बताए ।
कार्यक्रममा कास्कीका सहायक प्रमुख जिल्ला अधिकारी शिवप्रसाद रिजालले कोरोनाको समयमा पनि ग्रुपले आफ्नो सेवालाई जारी रोेखेको बताए । लागुपदार्थ प्रयोगकर्ताहरुको समस्या नजिकबाट बुझ्दै उनीहरुको जनजीवन कसरी सामान्य बनाउने भन्नेमा ग्रुप सूक्ष्म रुपमा लाग्न उनको सुझाव थियो ।
कम्युनिटी सपोर्ट ग्रुपले पोखरा स्वास्थ्य विज्ञान प्रतिष्ठानसँग सहकार्य गर्दै मेथाडोन र मौखिक प्रतिस्थापन उपचार पद्धति सञ्चालन गरेको ग्रुपका आन्तरिक परिचालक दिलीप गुरुङले जानकारी दिए । बैठकमा मेथाडोन प्रयोगकर्ता हिरासतमा हुँदा उनीहरुका लागि समस्या परेको उनले बताए । यसका लागि बैठकमा उपस्थित सुरक्षाकर्मीसँग मेथाडोन प्रयोगकर्ता पहिचान गरी समन्वय गर्ने मौखिक सहमति भएको छ ।
पश्चिमाञ्चल क्षेत्रीय अस्पताल मेथाडोनका प्रशासन तथा आपूर्ति शाखा प्रमुख ज्ञानीप्रसाद बरालले लागुपदार्थ प्रयोगकर्ताका लागि मेथाडोन निकै प्रभावकारी बन्दै गएको बताए । सन् २००९ देखि सुरु भएको मेथाडोनमा ६ सयभन्दा बढीले सेवा लिइसकेको उनको भनाइ थियो । अहिले पनि ९२ जनाले मेथाडोन प्रयोग गरिरहेको उनले जानकारी दिए ।
Related News
सम्बन्धित समाचार
पामेका अनधिकृत संरचनामा महानगरको डोजर
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
hero news full width
मुख्य समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१