विद्यालय खोल्न निजी विद्यालयको माग

आदर्श समाज सम्वाददाता
माघ १४, २०७८
sujab~

पोखरा । शिक्षा, विज्ञान तथा प्रविधिमन्त्री देवेन्द्र पौडेलले निजी तथा आवासीय विद्यालयहरुका पदाधिकारीसँग सुझाव लिएका छन् । २ दिनसम्म मन्त्रालयमा निजी तथा आवासीय विद्यालय अर्गनाइजेन नेपाल प्याब्सन र राष्ट्रिय निजी तथा आवासीय विद्यालय एसोसिएसन नेपालसँग शैक्षिक सुधारका विषयमा सुझाव लिएका हुन् ।
सुझावमा निजी तथा आवासीय विद्यालय अर्गनाइजेन नेपालले कोराना भाइरसको तेस्रो भेरियन्ट ओमिक्रोनका कारण बन्द विद्यालय खोल्न दिन माग गरेका छन् । प्याब्सनले खोप लगाइसकेका विद्यार्थीलाई आलोपालो प्रणालीमा भौतिक उपस्थितिमै माघ २३ देखि कक्षा सञ्चालन गर्न दिने व्यवस्था गर्न सरकारसँग माग गरेको छ ।
प्याब्सनका अध्यक्ष टीकाराम पुरीले निजी स्कुलले गरेका राम्रा कामको मूल्यांकन सरकारले गर्नुपर्ने बताए । उनले विद्यार्थीलाई खोप दिने सरकारले भने पनि शिक्षक, कर्मचारीलाई बुस्टर डोज दिनेबारे गम्भीर नभएको बताए । देशका सबै विद्यालय बन्द गर्नुका साटो कोभिड प्रभावित क्षेत्र तोकेर अन्य विद्यालयलाई सञ्चालनको वातावरण गराउन प्याब्सनले माग गरेको छ ।
यस्तै, राष्ट्रिय निजी तथा आवासीय विद्यालय एसोसिएन नेपालले सहुलियपूर्ण कर्जामा छुटको व्यवस्था माग गरेको छ । ‘स्कुल चलाउन हामीले बैंकबाट लोन लिएका छौ’, एसोसिएसन अध्यक्ष ऋतुराज सापकोटाले भने, ‘गत वर्ष कर्जामा ५ प्रतिशत छुट भएको थियो, यस वर्षपनि छुटका लागि पहल गरिदिनुप¥यो ।’ संक्रामक रोग ऐन २०२० ले गृह र जिल्ला प्रशासनलाई मात्रै चिनेको बताउँदै ऐन संशोधन गरी समयानुकूल गराउन माग गरेको छ ।
छलफलमा मन्त्री पौडेलले सार्वजनिक शिक्षा सुधार्न निजी क्षेत्रसँग सहकार्य गर्दै अघि बढ्ने बताए । उनले संविधानमा उल्लेख भएको समाजवाद उन्मुख राज्य प्रणालीलाई कार्यान्वयन गर्दै लैजानुपर्ने बताए । मन्त्री पौडेलले सिसिएमसिसीको निर्णयपछि अवस्था हेरेर विद्यालय सञ्चालनबारे थप निर्णय हुने आश्वासन दिए ।
पछिल्लो समय मन्त्री पौडेलले सार्वजनिक शिक्षा सुधारका विषयमा विश्वविद्यालय, निजी शैक्षिक संस्था र शिक्षाविद्हरुसँग सुझाव लिंदै आएका छन् ।

Related News

सम्बन्धित समाचार

  • पोखरामा खुल्याे मेवन कन्सल्टेन्सीको शाखा

    आदर्श समाज सम्वाददाता जेठ १२, २०७९
    पोखरा । मेवन कन्सल्टेन्सीले पोखरामा शाखा खोलेको छ । बिहीबारबाट पोखराको न्यूरोड महानगरपालिकाको कार्यालयको नजिकै शाखा सुरुआत गरिएको हो ।…
  • विद्यार्थी खोज्दै माछापुच्छ्रे मावि

    आदर्श समाज सम्वाददाता वैशाख २४, २०७९
    हेमजा । देशभर स्थानीय चुनावको सरगर्मी बढेको छ तर अन्नपूर्ण गाउँपालिका–२, ढिकुरपोखरीस्थित माछापुच्छ्रे माविका शिक्षक भने राजनीतिक दलका सभा सम्मेलन…
  • एसइई परीक्षा आजदेखि, गण्डकीका ४६ हजार परीक्षार्थी

    आदर्श समाज सम्वाददाता वैशाख ९, २०७९
    पोखरा । यस वर्षको माध्यमिक शिक्षा परीक्षा (एसइई) शुक्रबार बिहान ८ बजेदेखि देशभर एकैसाथ सुरु हुँदैछ । कोरोना महामारीका कारण…
  • एसइई दिन सदरमुकाम आउनुपर्ने बाध्यता

    रासस वैशाख ८, २०७९
    बागलुङ । भोलिदेखि माध्यमिक शिक्षा परीक्षा (एसइई) सुरु हुँदैछ । प्राविधिक विषय पढिरहेका विद्यार्थीलाई भने सो परीक्षा दिन सदरमुकाम आउनुपर्ने…
  • छानो उडाउँदा विद्यार्थीको बिचल्ली

    रासस वैशाख ७, २०७९
    तुलसीपुर । दाङको तुलसीपुर उपमहानगरपालिका–३ स्थित प्रतापकोट माविको छानो हावाहुरीले उडाउँदा विद्यार्थीको बिचल्ली भएको छ । छानो उडाएपछि एक सातादेखि…

hero news full width