होमस्टेलाई रैथानेबाली प्रवद्र्धनमा सहयोग

आदर्श समाज सम्वाददाता
माघ १२, २०७८
homestays

लमजुङ । लमजुङका २ होमस्टेलाई रैथानेबाली प्रर्वद्धनका लागि ग्रामीण सामुदायिक विकास केन्द्र (आरसिडिसी) ले सामग्री प्रदान गरेको छ । आरसिडिसीले पोषण तथा उत्थान जीविकोपार्जन कार्यक्रमअन्तर्गत त्यस्तो सहयोग गरेको हो ।
आरसिडिसीले बेंसिसहर–२, नरुवाल र वडा ३, गाउँसहरमा सञ्चालनमा रहेको काउलेपानी होमस्टेलाई रैथानेबाली प्रवद्र्धनका लागि रैथाने बिउबिजन तथा कृषि सामग्री हस्तान्तरण गरेको हो । संस्थाले काउलेपानी होमस्टेलाई रैथानेबाली प्रवद्र्धनका ८० हजार बराबरकोे र नरुवाल होमस्टेलाई ३० हजार बराबरको कृषि सामग्री प्रदान गरेको आरसिडिसीका कार्यक्रम व्यवस्थापक विश्वविनोद घिमिरेले बताए । उनका अनुसार समुदायमा हराउँदै गएका रैथाने बाली संरक्षणको चुनौती सिर्जिएको स्थितिलाई ध्यानमा राखेको यो कार्य गरिएको हो ।
उनले भने, ‘रैथानेबाली प्रवद्र्धनका लागि होमस्टे सञ्चालकलाई रैथाने बाली प्रबद्र्धनसम्बन्धी अभिमुखीकरणसहित सामग्री हस्तान्तरण गरिएको हो ।’
संस्थाले होमेस्टेलाई अकबरे खुर्सानीको बिउ, अर्गानिक खेतीको लागि गड्यौली मल ५ केजी, हातेट्याक्टर १, नर्सरीका लागि मल्चिङ प्लाटिक ३ वटा, हजारी ३ वटा, खेती गोडमेल गर्न कुटो १४ वटा, गुमोच प्लाटिक २ सेट प्रदान गरेको पोषण तथा उत्थान जीविकोपार्जन कार्यक्रमका परियोजना अधिकृत प्रभात केसीले जानकारी दिए । उनका अनुसार आरसिडिसीले विशेषगरी होमस्टेलाई लक्षित गरी उक्त परियोजनाको परिकल्पना गरेको हो ।
उनले भने, ‘बेंसिसहर–२ मा रहेको नरुवाल होमस्टेलाई पनि रैथानेबाली प्रर्वद्धनका निम्ति अकबरे खुर्सानीको बिउ, अर्गानिक खेतीको लागि गड्यौली मल, मल्चिङ प्लाटिक, पानी हाल्ने हजारी, कुटो, गुमोच प्लाटिक लगायत सामग्री प्रदान गरेको छ ।’
नरुवालको होमस्टे मगरजातिले र काउलेपानी होमस्टे गुरुङ जातिले सञ्चालनमा ल्याएका हुन् । काउलेपानी होमस्टेले नेपालमै उत्कृष्ट होमस्टेको रुपमा पर्यटन विकास बोर्डबाट समेत पुरस्कृत भइसकेको छ ।

Related News

सम्बन्धित समाचार

  • दीपक मनाङेलाई भाैतिक मन्त्रालय

    आदर्श समाज सम्वाददाता चैत्र ५, २०८०
    पोखरा । स्वतन्त्र सांसद राजीव गुरुङ उर्फ दीपक मनाङेलाई भौतिक पूर्वाधार विकास मन्त्रालयको जिम्मेवारी दिइएको छ । मुख्यमन्त्री सुरेन्द्रराज पाण्डेले…
  • जनजागृतिमा शिक्षक बिदाइ

    आदर्श समाज सम्वाददाता चैत्र ४, २०८०
    पोखरा । पोखरा–१८, सराङकोटस्थित जनजागृति माविमा शिक्षक बिदाइ गरिएको छ । स्वेच्छिक अवकाश लिएका पूर्व प्रधानाध्यापक विष्णुप्रसाद तिमिल्सिना तथा अनिवार्य…
  • ओमबहादुर कार्कीको सम्झना

    आदर्श समाज सम्वाददाता चैत्र ४, २०८०
    पोखरा । पृथ्वीनारायण क्याम्पसका पूर्व सहायक क्याम्पस प्रमुख एवं रसायनशास्त्र विभागका पूर्व विभागीय प्रमुख सहप्राध्यापक ओमबहादुर कार्कीको सम्झना गरिएको छ…
  • स्याङ्जा प्रहरी प्रमुख शर्मा र पत्रकारबीच छलफल

    आदर्श समाज सम्वाददाता चैत्र ४, २०८०
    स्याङ्जा । नवआगन्तुक स्याङ्जा प्रहरी प्रमुख र जिल्लामा कार्यरत पत्रकारबीच परिचय कार्यक्रमसँगै समसामयिक विषयमा छलफल भएको छ । जिल्ला प्रहरी…
  • गण्डकीका नयाँ प्रदेश प्रमुख भट्टले सम्हाले पदभार

    आदर्श समाज सम्वाददाता चैत्र ४, २०८०
    पोखरा । गण्डकीका नवनियक्त प्रदेश प्रमुख डिल्लीराज भट्टले कार्यभार सम्हालेका छन् । सरकारको सिफारिसमा राष्ट्रपति रामचन्द्र पौडेलले सुदूरपश्चिमका डिल्लीराज भट्टलाई…

hero news full width