पोखरा । चौथो अभियान कप भलिबल प्रतियोगिता मट्टिखान युवा क्लबले जितेको छ । शनिबार फाइनलमा पोखरा टप्सलाई ३–१ सेटमा हराउँदै उसले उपाधिसहित ५५ हजार ५ सय ५५ रुपैयाँसहित ट्रफी, मेडल र प्रमाणपत्र हात पा¥यो ।
उपविजेता पोखरा टप्सले २५ हजार ५ सय ५५ रुपैयाँसहित ट्रफी, मेडल र प्रमाणपत्र प्राप्त ग¥यो ।
अभियान युथ क्लबको आयोजनामा वाराही खेल मैदानमा भएको प्रतियोगितामा मट्टिखानले पोखरा टप्सलाई २५–२१,२१–२५,२५–१५ र २५–१७ को सेटमा हराउँदै उपाधि चुमेको हो ।
त्यसअघि सेमिफाइनलमा मट्टिखानले वाराही मावि तथा पोखरा टप्सले शान्ता बलिबल टे«निङ सेन्टरलाई हराउँदै फाइनल प्रवेश गरेको थियो ।
प्रतियोगिताको उत्कृत्ट खेलाडी मट्टिखानका राजकुमार नेपाली घोषित भए । यस्तै उत्कृष्ट सर्भर टप्सका विवेक ठकुरी, उत्कृष्ट ब्लकर मट्टिखानका रमेश गुरुङ, उत्कृष्ट डिफेन्डर मट्टिखानकै उत्तम गुरुङ, उत्कृष्ट सेटर मट्टिखानकै बेलबहादुर परियार र उत्कृष्ट स्पाइकर मट्टिखानकै भूपेन गुरुङ घोषित भए । विधागत उत्कृष्ट सबैले ट्रफी हात पारेको प्रतियोगिता संयोजक राजु गिरीले जानकारी दिए ।
३ दिनसम्म चलेको प्रतियोगितामा १२ टिमले भाग लिएका थिए । विजेता बन्न सफल टिमले पाँचौ संस्करणमा स्वतः भाग लिन पाउने छ ।