पोखरा । पोखरामा जारी ‘ए’ डिभिजन राष्ट्रिय फुटसल लिगअन्र्तगत सोमबारको खेलमा दि राइजिङ क्लब धरान र मच्छिन्द्र स्काई गोल्स विजयी भएका छन् ।
पहिलो खेलमा धरानले काठमाडौंको प्रभातफेरीलाई ११–६ गोल अन्तरले पराजित गरेको हो । धरानका लागि म्यान अफ दि म्याच विकु तामाङ र रेवस मास्केले ह्याट्रिक गरे । मिलन राईले २ तथा मिलन लिम्बु, दार्जे तामाङ र सुदीप गुरुङले १-१ गोलको योगदान दिए । प्रभातफेरीका लागि धीरज श्रेष्ठले २ तथा धीरज जोशी, राज पौडेल, सिजन गुरुङ र सिर्जेश पुरीले १-१ गोल फर्काए ।
दोस्रो खेलमा काठमाडौंको मच्छिन्द्र स्काई गोल्सले रुपन्देहीको झरना स्पोर्टस् क्लबलाई ८–० को फराकिलो गोलअन्तरले हरायो । स्काईका लागि निर्मल गुरुङ र प्रकाश महतराले २-२ तथा अनिल खड्का, आशिष सुनाम, सन्जोग चाम्लिङ र रोशन अधिकारीले १-१ गोल गरे । खेलमा टिम कप्तान निर्मल गुरुङ म्यान अफ दि म्यान चुनिए । दुवै खेलमा उत्कष्ट खेलाडीले जनही ५ हजार रुपैयाँ र ट्रफी हात पारे ।
लिगअन्तर्गत मंगलबार ३ खेल हुँदैछन् । पहिलो खेलमा स्पोर्टस् क्यासल र शंखमूल, दोस्रो खेलमा लुम्बिनी फुटसल र सविन मेमोरियल तथा अन्तिम खेलमा फुटसल फाइभ र ढुकु फुटसलबीच प्रतिस्पर्धा हुनेछ । असोज २२ सम्म पोखरा रंगशालाको बहुउद्देश्यीय कभर्ड हलमा हुने खेलमा १० टिमको सहभागिता छ । लिग विजेताले १० लाख र उपविजेताले ५ लाख रुपैयाँ प्राप्त गर्नेछन् । यस्तै, सर्वोकृष्ट खेलाडी, उत्कृष्ट गोलकिपर, डिफेन्डर, प्रशिक्षक र इमर्जिङ खेलाडीले समान २५ हजार पाउनेछन् ।