Worldlink ads

पार्टी फुटाउन गोप्य सम्झौता : गुरुङ

साधन राम्जाली
भाद्र २६, २०७८
cpn uml myagdi.do

म्याग्दी । नेकपा एमाले केन्द्रीय सचिव एवं गण्डकी प्रदेशका निवर्तमान मुख्यमन्त्री पृथ्वीसुब्बा गुरुङले माधवकुमार नेपालको एकीकृत समाजवादी पार्टीको औचित्य नभएको बताएका छन् ।
एमाले जिल्ला कमिटी म्याग्दीले शुक्रबार बेनीमा आयोजना गरेको अगुवा कार्यकर्ता भेलालाई सम्बोधन गर्दै नेता गुरुङले सो कुरा बताएका हुन् । ‘माधव नेपालले ओलीसँगको झगडा र स्वार्थका कारण एमाले फुटाउनुभएको हो । कुनै विचार सिद्धान्त नमिलेर होइन । विचार, सिद्धान्त र संगठनबिना बनेको पार्टीको कुनै औचित्य छैन,’ उनले भने ।
विभाजनपछिका माओवादी, कांग्रेस लगायत पार्टीको उदाहरण दिंदै नेता गुरुङले भने, ‘फुटले कसैलाई पनि फाइदा गर्दैन । नेपालमा त झन् माउ पार्टी फोडेर बनेका नयाँ पार्टी शक्तिशाली भएको कुनै इतिहास छैन ।’ माधव नेपालले पार्टी फुटाउन प्रचण्डसँग गोप्यरुपमा लिखित सम्झौता गरेको भनेर माओवादीका नेताले नै आफूलाई सूचना दिएको उनको दाबी थियो ।
एमाले अध्यक्ष ओली र नेपालको सहमतिअनुसार नै १० बुँदे सहमतिपत्र तयार पारेको भएकोमा पछि माधव नेपालले धोका दिएको उनले आरोप लगाए । माधव नेपालले पावर सेयरिङ चाहियो भनेपछि पार्टी फुटबाट जोगाउन आफूले पार्टीको संरचना २ जेठ २०७५ को अवस्थामा फर्काउने, महाधिवेशनसम्म २ अध्यक्ष बनाउने प्रस्ताव गरेको स्मरण गरे । ‘माधव नेपालले पावर सेयरिङको कुरा गरेपछि पार्टीलाई पुरानै संरचनामा फर्काउने र महाधिवेशनसम्म २ अध्यक्ष बनाउने प्रस्ताव गरें,’ उनले भने, ‘तर माग गर्दैै जाने अनि निहुँ झिक्दै जाने त्यसपछि पार्टी छोडेर जाने उहाँको उद्देश्य रहेछ ।’
एमाले स्थायी कमिटी सदस्य एवं गण्डकी प्रदेश इन्चार्ज किरण गुरुङले पार्टी विभाजनले कसैलाई पनि फाइदा नहुने बताए । उनले २ नेताको झगडाले पार्टी विभाजन भएको र विभाजनले कसैलाई पनि फाइदा नहुने बताए । माधव नेपाल केही समयपछि एमालेमै फर्किने उनको विश्वास छ ।
नेता गुरुङले ओली सरकारले अध्यादेश ल्याउँदा मिडियाले ओलीलाई प्रतिगमनकारी भनेको र आज तिनै अध्यादेश देउवा सरकारले ल्याउँदा मौन बसेको समेत आरोप लगाए । नेता गुरुङले मिडियाप्रति आक्रोश पोख्दै भने,‘हिजो ओली सरकारले अध्यादेश ल्याउँदा, संसद विघटन गर्दा मिडियाले ओलीलाई प्रतिगमनकारी, गणतन्त्र समाप्त पार्न खोज्यो, संविधान समाप्त पार्न खोज्यो जस्ता अनेक लेखे । आज तिनै अध्यादेश देउवा सरकारले ल्याउँदा भने मौन बसेका छन् । यो कस्तो खालको हो ?’
कार्यक्रममा एमाले बागलुङ अध्यक्ष तथा प्रदेश सांसद इन्द्रलाल सापकोटा, एमाले गण्डकी प्रदेश कमिटी सदस्य नवराज शर्मा, एमाले म्याग्दी अध्यक्ष हरिकृष्ण श्रेष्ठ, उपाध्यक्ष देवेन्द्रबहादुर केसी, जिल्ला कमिटी सचिव बालकृष्ण सुवेदी लगायतले बोलेका थिए ।

Related News

सम्बन्धित समाचार

    • आँधीदोभानमा ८ स्टिमरमा क्षति

      आदर्श समाज सम्वाददाता असाेज १२, २०७८
      स्याङ्जा । कालीगण्डकी गाउँपालिका ७ स्थित आँधीदोभानमा राखिएका ८ वटा स्टिमर पुरिएको छ । कालीगण्डकी जल यातायात प्रालिअन्तर्गत सञ्चालित ती…
    • स्याङ्जाका १० पालिकामा मतदानबाट सभापति चयन

      आदर्श समाज सम्वाददाता असाेज १२, २०७८
      स्याङ्जा । नेपाली कांग्रेस स्याङ्जाका ११ वटै पालिकाको नतिजा सार्वजनिक भएको छ । चापाकोट नगरपालिकामा सर्वसम्मत नेतृत्व चयन भएको हो…
    • टिमुर खेती बिस्तारमा मन्त्री थापाको जोड

      रासस असाेज १२, २०७८
      पोखरा । गण्डकी प्रदेशका वन, वातावरण तथा भू–संरक्षण मन्त्री दीपक थापाले प्रदेशका सबै उच्च पहाडी क्षेत्रमा व्यनवसायिक टिमुर खेती बिस्तार…
    • पोखराको सुन्दरतामा रमाए राजदूत

      विजय नेपाल असाेज ११, २०७८
      पोखरा । नेपालस्थित विभिन्न राष्ट्रका ११ राजदूतसहित कुटनीतिक नियोगका पदाधिकारी सम्मिलित विशिष्ट पाहुनाको टोली पोखराको सुन्दरतामा रमाएको छ । गण्डकी…
    • नागरिकले अनुभूति गर्ने गरी सेवा दिन मुख्यमन्त्री पोखरेलकाे निर्देशन

      आदर्श समाज सम्वाददाता असाेज ११, २०७८
      पोखरा । गण्डकी प्रदेशका मुख्यमन्त्री मुख्यमन्त्री कृष्णचन्द्र नेपाली पोखरेलले नागरिकले अनुभूति गर्ने गरी सेवाप्रवाह गर्न स्थानीय तहका कर्मचारीलाई निर्देशन दिएका…

    hero news full width

    Jewellery

    sanil ads

    wordlink ads