दमौली । तनहुँ अण्डामा आत्मनिर्भर मात्रै छैन, बाहिरी जिल्लासमेत निर्यात गदै आएको छ ।
भेटेरेनरी अस्पताल तथा पशु सेवा विज्ञ केन्द्रका अनुसार जिल्लामा १ वर्षमा २ करोड ६५ लाख २७ हजारभन्दा बढी अण्डा उत्पादन हुँदै आएको छ । यसरी उत्पादित अण्डामध्ये ६० प्रतिशत अर्थात् १ करोड ५५ लाख १७ हजार अण्डा जिल्लामा खपत हुँदै आएको छ । बाँकी ४० प्रतिशत अर्थात् १ करोड १० लाख ९ हजार वार्षिकरुपमा निर्यात हुँदै आएको अनुमान पशु सेवा विज्ञ केन्द्रको छ ।
तनहुँको कुल जनसंख्या ३ लाख २३ हजार २ सय ८८ छ । प्रतिवर्ष १ जनाले ४८ अण्डा खपत हुने गर्दछ । सो खपतसहित जिल्लामा उत्पादन भएका अण्डा बाहिरी जिल्लामा निर्यात हुँदै आएको केन्द्रले जनाएको भेटेरेनरी अस्पताल तथा पशु सेवा विज्ञ केन्द्रका प्रमुख डा. बालकुमार श्रेष्ठले बताए । उनका अनुसार तनहँुमा अण्डा तथा पोल्ट्री क्षेत्रमा लगानी गर्नेको संख्या बढेसँगै उत्पादनमा पनि वृद्धि भएको हो । ‘अण्डामा तनहुँ आत्मनिर्भरमात्र छैन, खपतसँगै जिल्लाबाहिर निर्यात भइरहेको छ’, उनले भने, ‘कोभिड संक्रमणयता भने अण्डाको अत्यधिक खपत बढ्यो ।
उनका अनुसार संक्रमणले अण्डा खानुपर्छ भन्ने मानसिकताको विकास गरेको छ । कोभिडपछि जिल्लाभित्रै अण्डाको खपत बढेको छ । गत २ वर्षकोे तुलनामा अण्डा उत्पादन वृद्धि भएको उनको भनाइ छ ।
आर्थिक वर्ष २०७७/७८ मा जिल्लामा २ करोड ६० लाख ८३ हजार कुखुराको, २ लाख २७ हजार हाँसको र २ लाख १६ हजार अन्य पन्छीको अण्डा उत्पादन भएको कार्यालयले जनाएको छ । गत आवमा १ करोड ६२ लाख ९४ हजार गोटा अण्डा उत्पादन भएको थियो । यस्तै, आव २०७५/७६ मा १ करोड ५२ लाख ५७ हजार गोटा अण्डा उत्पादन भएको थियो ।
Related News
सम्बन्धित समाचार
पशु स्वास्थ्य प्राविधिकलाई अभिमुखीकरण
माझठानाका कृषकलाई तालिम
कास्कीको मादीमा एउटै फार्मका दुई सय ८० बाख्रा मरेपछि…
फेदीखोलाको सर्केटारीमा प्रथम आलु प्रदर्शनी
रैथाने बाली संरक्षण गर्दै कृषि ज्ञान केन्द्र
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१