पोखरा । कोरोना नियन्त्रणका लागि कास्की प्रशासनले वैशाख १५ देखि दोस्रो चरणको पूर्ण लकडाउन घोषणा गर्याे । त्यसअघि पनि आंशिक रुपमा लकडाउन भएकै थियो । बैशाख पहिलो साता प्रदेशमा ६६ जना संक्रमित थिए । कास्कीका ४६ जनामा कोरोना लागेको थियो । पूर्ण रुपमा लकडाउन जारी रहेको बेला बैशाख २० मा २ सय ३ जना संक्रमित भएकोमा कास्कीका ७१ जना थिए ।
लकडाउन कडा बनाउँदा २ सय ३ जना संक्रमित भएपनि लकडाउन खुकुलो हुँदा शनिबार प्रदेशमा ५ सय १९ संक्रमित थपिए ।
त्यसपछि भने क्रमिक रुपमा बढ्दै जाँदा लकडाउन झनै कडा बनाइयो । कोरोनाबाटै मृत्यु हुनेको संख्या एकै दिन ३० भन्दा पुगेको थियो । लकडाउनमा कडाइ गरेकै कारण जेठ अन्त्यतिर केही संख्यामा संक्रमित घट्न थाले । असार दोस्रो सातादेखि भने प्रशासनले लकडाउन खुकुलो बनाउँदै गयो । त्यसको असर मानिसको चहलपहलमा पर्याे । बजार खुल्न थाले, भीडभाड जम्मा हुँदै गयो ।
गण्डकी प्रदेशमा पछिल्ला दिन संक्रमित संख्या बढ्न थालेका छन् भने मृत्यु हुने पनि धेरै नै छन् । लकडाउन कडा बनाउँदा २ सय ३ जना संक्रमित भएपनि लकडाउन खुकुलो हुँदा शनिबार प्रदेशमा ५ सय १९ जना संक्रमित भएका छन् ।
तीमध्ये कास्कीका मात्र २ सय ५५ जना छन् । मनाङ, मुस्ताङ, पर्वत र म्याग्दीमा भने संक्रमितको संख्या शून्य छ । तनहुँमा १ सय ७, गोरखामा ५७, नवलपुरमा ५४, स्याङ्जामा ३६, बाग्लुङमा ८ र लमजुङमा २ जना संक्रमित भएका छन् । योसँगै प्रदेशमा कोरोनाका सक्रिय संक्रमितको संख्या ४ हजार ९ सय ५८ पुगेको छ ।
प्रदेशमा शनिबार २ सय २२ जना निको भएसँगै संक्रमणमुक्त हुनेको संख्या हालसम्म ६१ हजार ६ सय ४८ पुगेको छ । नेपालभर शनिबार २ हजार २ सय ८० जनामा कोरोना भाइरस संक्रमण देखिएको छ । स्वास्थ्य तथा जनसंख्या मन्त्रालयका अनुसार देशभर पिसिआर परीक्षणमा थप २ हजार २ सय ८० जनामा संक्रमण पुष्टि भएको हो । योसँगै नेपालमा संक्रमितको कुल संख्या ६ लाख ९५ हजार ३ सय ८९ पुगेको छ । यस्तै एन्टिजेन विधिद्वारा गरिएको ४ हजार २ सय ५६ परीक्षणबाट ८ सय २६ जनामा पोजिटिभ देखिएको छ । २४ घन्टामा पिसिआर र एन्टिजेन विधिबाट गरिएको १३ हजार ५ सय १९ परीक्षणमा ३ हजार १ सय ६ जनामा संक्रमण पुष्टि भएको मन्त्रालयले जनाएको छ । २४ घण्टामा १ हजार ९ सय १६ जना संक्रमणमुक्त भएका छन् । नेपालमा हालसम्म निको हुनेको संख्या ६ लाख ५४ हजार १ सय ७७ पुगेको छ ।
थप ८ जनाको मृत्यु
गण्डकी प्रदेशमा शनिबार ८ जना कोरोना संक्रमितको मृत्यु भएको छ । कास्कीका ४ सहित नवलपुरका २, स्याङ्जा र पर्वतमा १/१ जनाको मृत्यु भएको हो ।
पोखरा १० का ८४ वर्षीय कोरोना संक्रमित पुरूषको मेडिप्लस अस्पताल, पोखरामा उपचार क्रममा मृत्यु भएको छ । पोखरा १४ की ३६ वर्षीया महिलाको गण्डकी मेडिकल कलेजमा निधन भएको छ । पोखरा १९ की ८४ वर्षीया कोरोना संक्रमित महिलाको होम आइसोलेसनमा उपचार क्रममा मृत्यु भएको छ भने पोखरा २५ का ५० वर्षीय पुरूषको गण्डकी मेडिकल कलेजमा ज्यान गयो ।
यसैगरी, नवलपुर कावासोती १ का ४० वर्षीय कोरोना संक्रमित पुरूषको भरतपुर अस्पतालमा उपचार क्रममा मृत्यु भएको हो । कावासोती १ की ४५ वर्षीय महिलाको सोही अस्पतालमा निधन भयो । साथै पोखरा स्वास्थ्य विज्ञान प्रतिष्ठानमा स्याङ्जा पुतलीबजार १ की ६० वर्षीया महिला र पर्वत फलेवास ६ की ७५ वर्षीया महिलाको उपचारक्रममा मृत्यु भएको छ । योसँगै प्रदेशमा कोरोना संक्रमणबाट ज्यान गुमाउनेको संख्या १ हजार ९६ पुगेको छ । नेपालमा कोरोना संक्रमणबाट थप २३ को मृत्यु भएको छ । योसँगै देशभर कोरोनाबाट मृत्यु हुनेको संख्या ९ हजार ८ सय ५७ पुगेको छ ।
Related News
सम्बन्धित समाचार
चलचित्र पत्रकार संघ नेपालको रजत जयन्ती
पोखरा विश्वविद्यालय शिक्षण अस्पताल उद्घाटन
दमौली आगलागी अपडेट : क्षतिको विवरण संकलन गरिँदै
प्रधानमन्त्री प्रचण्डलाई चाैथोपटक विश्वासको मत
प्रधानमन्त्री दाहालले आज चाैथोपटक विश्वासको मत लिँदै
hero news full width
मुख्य समाचार
दमौलीको मुख्यचोकका सटरमा मध्यरातमा आगलागी, ३ घण्टापछि नियन्त्रणमा
एकातिर खोला, अर्कैतिर पुल
जेठ ६, २०८१ढुंगाबालुवा चोरी निकासीमा संलग्न ५ गाडी नियन्त्रण
जेठ ६, २०८१एमाले मुस्ताङको अध्यक्षमा दीपक लालचन
जेठ ६, २०८१काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जेठ ६, २०८१एचआइभी संक्रमणले पढाइबाट वञ्चित
जेठ ५, २०८१