दमौली । पृथ्वीराजमार्गको छेउमै टिनले छाएको र टिनले नै बारेको टंकी । त्यही टंकीको सहारामा पालिन्छन् चन्द्रबहादुर नेपालीको परिवारका ९ जना सदस्य । नेपालीले त्यही टंकीमा १५ वर्षदेखि कपाल काट्ने कामलाई निरन्तरता दिएका छन् ।
व्यावसायिक टंकीभित्र कैंची चलाउँछन् ४९ वर्षीय चन्द्रबहादुर नेपाली । आँबुखैरेनी गाउँपालिकाको भवन अगाडि गोरखा ३ बाट बिहान आएर दिनभरि सैलुन खुलाउँछन् नेपाली । साँझ घर फर्किन्छन् उनी । उनलाई एकताका लाग्थ्यो, पैसा कमाउन त विदेश नै जानुपर्छ । उनका धेरै दोस्ती–दौतरी अहिले पनि खाडीमा पसिना बगाइरहेछन् । तर, आफैंले व्यवसाय थालेपछि उनको विदेश जाने हुटहुटी हरायो ।
नेपाली भन्छन् ‘कपाल काटियो तर परिवारमा सधैं साथ जोडियोे ।’ कलिलो उमेरमै उनी पैसा कमाउन भारत हान्निए तर भनेजस्तो कमाउन सकेनन् । सँगै गएका साथीहरू छोडेर एक्लै घर फर्किए । त्यसपछि खाडीतिर गएर कमाउने सोच पनि पलायो । तर, विदेश गएकाहरूले पाएको अथाह दुःख सम्झेर गाउँमा हुँदा सिकेको कपाल काट्ने सीपलाई व्यावसायिक रूपमा अगाडि बढाउन आफन्तले सुझाए । आफन्तको सुझावले उनको जीवन अर्कैतर्फ मोडियो । विदेशिएर दुख गर्नुभन्दा आफ्नै सीप उपयोग गर्ने र परिवारको साथमा रमाउन पाउनु ठूलो आनन्द भएको उनी बताउँछन् ।
मासिक भाडा डेढ सय
पहिले बाध्यताले थालेको कपाल काट्ने काम अहिले कमाउने र रमाउने माध्यम बनेको छ । उनी गर्वका साथ भन्छन्, ‘कमाउन विदेश नै जानुपर्छ अथवा यहाँ काम नै पाइँदैन भन्ने गलत रहेछ । मेहनत गर्न सके सफलता अवश्य हात लाग्छ ।’ अहिले उनले मासिक २५ हजारदेखि ३० हजारसम्म कमाइ गर्छन् । तर सैलुन चलाउन टंकी राखेबापत् उनी मासिक डेढसय भाडा तिर्छन् । खर्च अति नै न्यून, कमाइ भने सरकारी जागिरे नायबसुब्बासरह ।
दिनभरि उभिएर काम गर्नुपर्ने भएकाले ढाडमा केही समस्या आउला भनी डराए पनि अहिलेसम्म स्वास्थ्यमा कुनै समस्या छैन । हातमा कैंची चलाउँदै पसलमा आउने ग्राहकले निकालेको प्रसंगमा कुरा थप्दै रमाइलो गफगाफसमेत गर्न रुचाउने यिनलाई देशको राजनीतिमा पनि खुब चासो छ । उनका ग्राहक धेरैजसो सरकारी कर्मचारी र स्थानीय नेता धेरै छन् । यसकारण उनको पसल एउटा भेटघाट हुने डबलीजस्तो बनेको छ । एकताका विदेश जान्छु भनेर खुट्टा उचालेका नेपालीले सोच परिवर्तन गरी आफ्नै घर नजिकै थालेको व्यवसायबाट घर–परिवारको दैनिक खर्च र आवश्यकता पूरा गर्न सम्भव भएको छ, उनको लगनशीलता र आन्दानीले उनका परिवार पनि खुसी छन् ।
Related News
सम्बन्धित समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
पौडी खेल्दा डुबेर पोखरामा २ बालकको मृत्यु
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
hero news full width
मुख्य समाचार
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१