पोखरा । पोखरा महानगरले वडा नम्बर १६ र २० का बाख्रापालक किसानलाई अनुदान वितरण गरेको छ । महानगर पशु सेवा शाखाले किसानलाई लागत साझेदारीमा बाख्रा प्रर्बद्धन कार्यक्रमअन्तर्गत २ वडाका ५० किसानलाई २० हजारका दरले बाख्रा खरिदमा अनुदान वितरण वितरण गरेको हो ।
पोखराका कार्यबाहक प्रमुख मञ्जुदेवी गुरुङ, पोखरा १६ का अध्यक्ष जीवनप्रसाद आचार्य र पोखरा २० का अध्यक्ष सिम गुरुङले बिहीबार अनुदान वितरण गरेका थिए । २ वडामा १/१ वटा ब्याडे बोकासमेत दिइएको महानगर पशुसेवा शाखाका प्रमुख नवराज अधिकारीले जानकारी दिए । उनका अनुसार १ बोकाको मूल्य १ लाख पर्छ । महागनरले कृषिलाई प्राथमिकता दिएर किसानलाई प्रोत्साहन गर्ने कार्यक्रम सञ्चालन गरेको महानगर कार्यवाहक प्रमुख गुरुङले बताइन् । आर्थिक समृद्धिको प्रमुख आधार कृषि र पशु रहेको बताउँदै उनले कृषि क्षेत्रलाई व्यावसायिक र आधुनिकीकरण गर्नुपर्नेमा जोड दिइन् ।
उनले महिलालाई व्यावसायिक बनाउँदै आर्थिक रुपमा सबल र सक्षम बनाउन उपप्रमुखसँग महिला कार्यक्रमसमेत सञ्चालन गरिएको बताइन् । कार्यक्रममा पोखरा १६ का अध्यक्ष जीवनप्रसाद आचार्यले आफ्नो वडा ग्रामीण क्षेत्र भएकाले पशुपालनमा सम्भावना रहेको बताउँदै स्थानीय जातका बाख्राको माग बढी रहेको बताए । पोखरा २० का अध्यक्ष सिम गुरुङले पशुपालनमा किसानलाई अनुदानले प्रोत्साहन थप्ने बताउँदै व्यावसायिक बनाउन आग्रह गरे । बाख्रा किसान दुर्गाबहादुर गुरुङले किसानलाई धेरै समस्या रहेको बताउँदै अनुदानका लागि प्रक्रिया झन्झटिलो रहेको गुनासो गरे । उनले कर तिर्न एकद्वार प्रणालीको विकास गर्न आग्रहसमेत गरे । कालीखोला बाख्रापालन समितिका अध्यक्ष यमप्रसाद आचार्यको अध्यक्षतामा भएको कार्यक्रमको सञ्चालन कृषि सञ्जाल पोखरा १६ का अध्यक्ष सुभाष अधिकारीले गरेका थिए ।
Related News
सम्बन्धित समाचार
‘कुखुरा कल्याणमा केज प्रणाली अनुपयुक्त’
पशु स्वास्थ्य प्राविधिकलाई अभिमुखीकरण
माझठानाका कृषकलाई तालिम
कास्कीको मादीमा एउटै फार्मका दुई सय ८० बाख्रा मरेपछि…
फेदीखोलाको सर्केटारीमा प्रथम आलु प्रदर्शनी
hero news full width
मुख्य समाचार
कसको हातमा पर्ला वर्ष खेलाडीको उपाधि ?
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
वैशाख २६, २०८१मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
वैशाख २५, २०८१गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१