प्रेस स्वतन्त्रताप्रति सधैं प्रतिबद्ध : मुख्यमन्त्री

आदर्श समाज सम्वाददाता
असार १७, २०७८
CM Bhetghat Photo

पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलसमक्ष नेपाल प्रेस युनियनले शुक्रबार भेट गरेको छ । युनियन कास्की अध्यक्ष नवीन सिग्देल नेतृत्वको टोलीले मुख्यमन्त्रीलाई भेट गरी बधाईसहित सफल कार्यकालको शुभकामना दिएको छ ।
सोही अवसरमा युनियनले शिक्षा संस्कृति, विज्ञान प्रविधि तथा सामाजिक विकास मन्त्री कुमार खड्कालाई पनि बधाई दिएको थियो । भेटमा मुख्यमन्त्री पोखरेलले प्रेस स्वतन्त्रताप्रति सधैं प्रतिबद्ध रहेको बताए । प्रेस युनियनले आफ्नै पार्टीको सरकार हुँदा धेरैखालका अपेक्षा गर्नु स्वाभाविक नै भएको बताउँदै माग पूरा गर्नु आफूहरुको दायित्व रहेको जनाए । सरकार अहिले ठिक लाइन र जनताको पक्षमा रहेको पनि उनको भनाइ थियो । पत्रकारको हकहितका लागि स्रोतसाधनले भ्याएसम्म पत्रकारसँगै सल्लाह गरेर अघि बढ्ने बताए ।
सामाजिक विकास मन्त्री तथा प्रवक्ता कुमार खड्काले यो वर्षको बजेटमा पत्रकारका लागि केही नयाँ कार्यक्रम ल्याएको बताए । बजेटमा पत्रकारका लागि २ करोडभन्दा माथिको बजेट छुट्याएको उनको भनाइ छ । पत्रकार महासंघको भवन नबनेका ६ वटा जिल्लामा भवन निर्माणका लागि ६० लाख बजेटको प्रस्ताव गरेको उनले जानकारी दिए ।
युनियन कास्की अध्यक्ष सिग्देलले श्रमजीवी पत्रकारको मनोवल बढाउनेखालको कार्यक्रममा प्रदेश सरकारको साथ आवश्यक रहेको बताए । प्रेस स्वतन्त्रताका लागि अघिल्लो सरकारले भन्दा १० गुणा बढी काम गर्नुपर्ने उनको धारणा थियो ।
भेटका क्रममा युनियन केन्द्रीय उपाध्यक्ष रमेश पौडेलले मिडियाको अवस्था हेरेर उनीहरुको मर्म बुझ्नुपर्ने बताए । मिडिया विधेयकमा छलफल गरेर मिडियामैत्री बनाउनु पर्ने धारणा राखे । प्रेस युनियनका सल्लाकार गंगाधर पराजुलीले पत्रकार, मिडिया हाउस र महासंघलाई सक्षम र सदृढ बनाउँदै लैजानुपर्ने बताए ।
प्रेस युनियन कास्कीका राजबहादुर गुरुङ, पत्रकार महासंघ केन्द्रीय सदस्य सरिता तिम्सिना पंगेनी, गंगाधर पराजुली, पत्रकार महासंघ कास्की अध्यक्ष बिमला भण्डारी लगायतले आमसञ्चार प्रतिष्ठान, लोककल्याणकारी विज्ञापन लगायतको विषयमा आ–आफ्नो भनाइ राखेका थिए ।

Related News

सम्बन्धित समाचार

    • ‘जनताको भावनाअनुसार काम गर्नू’

      आदर्श समाज सम्वाददाता श्रावण १५, २०७८
      पोखरा । हेमजावासीले जनताको भावना अनुसार काम गर्न गण्डकी प्रदेशका अर्थमन्त्री रामजीप्रसाद बराललाई आग्रह गरेका छन् । बिहीबार हेमजामा आयोजित…
    • चामे सडक खोल्न दिनरात काम

      आदर्श समाज सम्वाददाता श्रावण १५, २०७८
      पोखरा  । डेढ महिनादेखि ठप्प वेंसिसहर–चामे सडक सञ्चालनमा ल्याउने तयारी गरिएको छ । डुम्रे–वेंसिसहर–चामे सडक आयोजनाले पहिरोका कारण अवरुद्ध सडक सुचारु…
    • जनप्रतिनिधिले नै रोपे सडकमा कोदो

      रासस श्रावण १४, २०७८
      गोरखा । सडक निर्माणलाई छिटो सम्पन्न गर्न माग गर्दै गोरखा आरुघाट–सडकखण्डमा जनप्रतिनिधिसहितका स्थानीयवासीले कोदो रोपेका छन् । ठेकेदारको चरम लापरवाहीका…
    • प्रेस युनियनद्वारा गण्डकी प्रदेशका मन्त्रीलाई बधाई

      आदर्श समाज सम्वाददाता श्रावण १३, २०७८
      पोखरा, १३ पोखरा । गण्डकी प्रदेशका नवनियुक्त मन्त्रीहरुले लोकतन्त्र र प्रेस स्वतन्त्रताप्रति आफूहरु प्रतिबद्ध रहने बताएका छन् । उनीहरुले कोरोनाविरुद्धको खोप…
    • सार्दिखोला स्वास्थ्य चौकीमा अक्सिजन कन्सन्ट्रेटर

      आदर्श समाज सम्वाददाता श्रावण १३, २०७८
      पोखरा । गैर आवासीय नेपाली संघ (एनआरएनए) हङकङले कास्कीको माछापुच्छ्रे २ स्थित सार्दिखोला स्वास्थ्य चौकीलाई २ थान अक्सिजन कन्सन्ट्रेटर उपलव्ध गराएको…

    hero news full width

    Gandaki University

    sanil ads

    wordlink ads