पोखरा। गण्डकी प्रदेशमा ८ सय ८ जनाले कोरोना जितेका छन् । योसँगै प्रदेशमा कोरोना जित्नेको संख्या ४१ हजार ६ सय ६१ पुगेको छ ।
बिहीबार प्रदेशमा थप ५ सय ६६ जनामा कोरोना पोजेटिभ देखिएको छ । १ हजार ६ सय ३३ जनाको नमुना परीक्षणमा ३४ दशमलब ६६ प्रतिशतमा पोजेटिभ देखिएको प्रदेश स्वास्थ्य निर्देशनालयले जनाएको हो । तीमध्ये कास्कीका १ सय १८, म्याग्दीका २१, पर्वतका ४, गोरखाका ७८, लमजुङका ५१, तनहुँका ७१, बागलुङका ८१, स्याङ्जा ४७ र नवलपुरका ९५ जना छन् । योसँगै गण्डकीमा संक्रमितको कुल संख्या ४९ हजार ३८ पुगेको छ । पछिल्लो २४ घण्टामा ८०८ जना निको भएका छन् । नेपालभर संक्रमित हुनेको संख्या १७ हजार ७ सय १४ पुगेको छ ।
देशभर कोरोनाबाट ज्यान गुमाउनेको संख्या ८ हजार २ सय ३८ पुगेको छ ।
यसैबीच, गएको २४ घन्टामा देशभर ३ हजार ७ सय ४९ संक्रमित थपिएका छन् भने निको हुनेको कुल संख्या ५ लाख १५ हजार ५ सय ९१ पुगेको छ ।
प्रदेशमा थप १८ को मृत्यु
गण्डकीमा थप १८ कोरोना संक्रमितको मृत्यु भएको छ । तीमध्ये कास्कीका ६, गोरखा र बागलुङका ३÷३, नवलपुरका २, म्याग्दी, तनहुँ, स्याङ्जा र रुपन्देहीका १–१ जना छन् ।
पोखरा महानगरपालिका २५ का ८९ वर्षीय पुरूषको चरक मेमोरियल अस्पतालमा उपचार क्रममा मृत्यु भएको छ । पोखरा १५ का ३९ वर्षीय पुरूषको होम आइसोलेसनमा निधन भएको छ । पोखरा ११ का ९० वर्षीय पुरूषको मणिपाल शिक्षण अस्पतालमा, पोखरा ७ का ५१ वर्षीय पुरूषको नमस्ते अस्पतालमा, पोखरा २ की ४७ वर्षीया महिला र पोखरा ५ का ७० वर्षीय पुरूषको चरक मेमोरियल अस्पताल, पोखरामा उपचारको क्रममा निधन भएको छ ।
यसैगरी, नवलपुरको मध्यविन्दु नगरपालिका ९ का ५२ वर्षीय पुरूषको कलेज अफ मेडिकल साइन्स, चितवनमा उपचारक्रममा मृत्यु भएको छ । नवलपुरकै मध्यविन्दु नगरपालिका २ का ८५ वर्षीय पुरूषको मध्यविन्दु अस्पतालमा, म्याग्दी मालिका गाउँपालिका ४ का ५५ वर्षीय पुरूषको पोखरा स्वास्थ्य विज्ञान प्रतिष्ठानमा, गोरखाको सिरानचोक गाउँपालिका ३ का ९२ वर्षीय पुरूषको भरतपुर अस्पतालमा ज्यान गएको छ ।
यस्तै, गोरखा अजिरकोट गाउँपालिका ५ की ६२ वर्षीय पुरूषको होम आइसोलेसनमा मृत्यु भएको छ । गोरखाकै पालुङटार नगरपालिका–३ की ८० वर्षीय महिलाको भरतपुर अस्पतालमा उपचार क्रममा निधन भएको छ ।
उता, बागलुङको गल्कोट नगरपालिका ६ का ६८ वर्षीय पुरूषको मेडिप्लस अस्पताल, पोखरामा उपचारको क्रममा मृत्यु भएको छ । बागलुङकै निसीखोला गाउँपालिका ५ का ६२ वर्षीया महिलाको धौलागिरी अस्पतालमा, गल्कोट नगरपालिका ४ का ६० वर्षीय पुरूषको गल्कोट अस्थायी कोरोना अस्पतालमा निधन भएको छ ।
तनहुँ शुक्लागण्डकी नगरपालिका–८ की ४६ वर्षीय महिलाको गण्डकी मेडिकल कलेज, पोखरामा उपचारको ज्यान गएको छ । स्याङ्जा पुतलीबजार नगरपालिका ७ की ७२ वर्षीया महिलाको पनि गण्डकी मेडिकल कलेज, पोखरामा उपचारक्रममा निधन भएको छ । रूपन्देही बुटवल उपमहानगरपालिका २ का २८ वर्षीय पुरूषको मणिपाल शिक्षण अस्पतालमा मृत्यु भएको छ ।
योसँगै प्रदेशमा कोरोनाबाट ज्यान गुमाउनेको संख्या ८ सय १७ पुगेको छ । बिहीबार नेपालभर ५९ जनाको मृत्यु भएको स्वास्थ्य तथा जनसंख्या मन्त्रालयले जानकारी दिएको छ । हालसम्म देशभर कोरोनाबाट ज्यान गुमाउनेको संख्या ८ हजार २ सय ३८ पुगेको छ ।
Related News
सम्बन्धित समाचार
कोभिडबाट एकको मृत्यु, १०६ संक्रमित थपिए
कोरोना भाइरसबाट आज एक जनाको निधन
गण्डकीका ३ सहित मुलुकभरका १३ जिल्लामा कोरोनाको शून्य संक्रमण
कास्कीमा २ सय बढी संक्रमित
कोरोनाको उद्गमस्थल चीनको वुहानमा फेरि लकडाउन
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१