म्याग्दी । नेपाल प्रेस युनियन स्थापना दिवसको अवसरमा म्याग्दी शाखाले म्याग्दी बालगृहलाई स्वास्थ्य सामग्री सहयोग गरेको छ । नेपाल पत्रकार महासंघ म्याग्दीका उपाध्यक्ष हरिकृष्ण गौतम र नेपाल प्रेस युनियन म्याग्दीका अध्यक्ष राकेश शर्माले बाल संगठन म्याग्दीका सचिव सन्दीप खत्रीलाई हस्तान्तरण गरेका हुन् । बाल गृह बाल संगठन म्याग्दीले सञ्चालन गरेको हो ।

युनियनको ३१ औं स्थापना दिवसको अवसरमा म्याग्दी शाखाले कोरोना संक्रमणको जोखिम कम गर्न साबुन, सेनिटाइजर, प्रोटिन, मास्कलगायत १५ हजार रुपैयाँँ बराबरको स्वास्थ्य सामग्री वितरण गरिएको नेपाल प्रेस युनियन म्याग्दीका सचिव साधन राम्जालीले जानकारी दिए ।

नेपाल पत्रकार महासंघ म्याग्दीका उपाध्यक्ष गौतम र बालसंगठन म्याग्दीका सचिव खत्रीले स्थापना दिवसको अवसरमा शुभकामना व्यक्त गर्दै स्वास्थ्य सामग्री सहयोगप्रति धन्यवाद व्यक्त गरे । प्रेस युनियन म्याग्दीका अध्यक्ष राकेश शर्माले स्थापना दिवसका अवसरमा कोरोना कहरमा अनाथ बालबालिकालाई संक्रमण जोखिम कम होस् भन्ने उद्देश्यले स्वास्थ्य सामग्री सहयोग गरिएको बताए ।