पोखरा । नेपाल खेलकुद महासंघले कोभिड १९ बिरुद्धको राष्ट्रिय अभियानलाई जारी राखेको छ । सोही अभियान अन्तरगत अघिल्लो मोर्चामा खटिने बिशेष गरि सुरक्षा निकायलाई मध्यनजर राख्दै महासंघका केन्द्रीय स्थायी कमिटि सदस्य सुरेश कार्कीको नेतृत्वमा सुनसरी जिल्लाको विभिन्न ६ ठाउँमा रहेका प्रहरीको संस्थालाई स्वास्थ्य सामग्री मास्क, सेनिटाइजर, साबुन, फेससिल्ड प्रधान गरेको हो ।

खेलकुद महासंघले कोभिड नो भिड भन्ने नाराका साथ देशका ७७ जिल्लामा स्वास्थ्य सामग्री वितरण गर्ने कार्यक्रम रहेको छ । यसै क्रममा स्थायी कमिटी सदस्य कार्कीको नेतृत्वमा सुनसरी जिल्ला संयोजक पुष्प कार्कीको संयोजकत्वमा प्रदेश सह संयोजक भेष कार्की, सचिवालय सदस्य उमेश सुवेदी, केन्द्रीय सदस्यहरु ईश्वरविक्रम शाह र गौरवजंग राणाको उपस्थितिमा सुनसरीका विभिन्न ७ पुलिस कार्यालयलाई सामग्री वितरण गरिएको हो ।

उक्त टोलीले पकली थानालाई १ हजार थान मास्क, ५ लिटर सेनिटाइजर, १२ लिटर साबुन र ५ थान फेससिल्ड, चक्रघट्टी थानालाई १ हजार थान मास्क, ५ लिटर सेनिटाइजर, १२ लिटर साबुन, चतरालाई ४५० थान मास्क, ५ लिटर सेनिटाइजर र १० लिटर साबुन, कालाबञ्जर, नडाहा र बांगेबजार प्रहरी चौकीलाई समान ५ सय थान मास्क, २ लिटर सेनिटाइजर, ६ लिटर साबुन प्रदान गरेको सदस्य कार्कीले जानकारी गराए । कार्कीका अनुसार अभियान अन्तरगत पहिलो चरणमा क्रमैसंग अघिल्लो मोर्चामा खटिने सुनसरीका अन्य प्रहरी कार्यालयहरु र त्यस पश्चात अन्य संघ संस्थालाई पनि स्वास्थ्य सामग्री प्रदान गरिने बताए ।