पोखरामा भर्चुअल मुक्तक गोष्ठी

आदर्श समाज सम्वाददाता
जेठ १, २०७८

हेमजा। पोखराबाट राष्ट्रियस्तरको मुक्तक गोष्ठी सम्पन्न भएको छ।

हेमजा साहित्य प्रतिष्ठानले भर्चुअल रुपमा शुक्रवार आयोजना गरेको उक्त गोष्ठीमा बेजोड र तिख्खर मुक्तक वाचन गरिए।

कार्यक्रममा धारणा राख्दै नेपाल नाट्य तथा संगीत एकेडेमीका पूर्व कुलपति सुरुभक्तले नेपाली मुक्तक विधाको इतिहासमा सो कार्यक्रम महत्वपूर्ण भएको बताए ।उनले भने ‘उसो त पोखरा टिकटमा मुक्तक वाचन गर्ने इतिहास भएको शहर होःआज पनि फेरि एउटा मुक्तकको इतिहास पोखराले बनाएको छ।’

सो कार्यक्रममा सातै प्रदेशबाट प्रतिनिधिमूलक रुपमा दुई÷दुई जना गरी कुल चौध मुक्तककारले आफ्ना ६÷६ वटा मुक्तक वाचन गरेका थिए।

यसरी मुक्तक वाचन गर्नेहरुमा प्रदेश एक बाट मोरङका मञ्जु श्री र लक्ष्मी स्मृति, प्रदेश दुई बाट सर्लाहीका सुशीला पौडेल र लीलाराज दाहाल, बाग्मती प्रदेशबाट नुवाकोटकी ऋतु रोक्का र काठमाडौका आँचल शर्मा, गण्डकी प्रदेशबाट म्याग्दी कि ऋद्धिमा रिजाल र बाग्लुङका ऋषि सापकोटा छन् ।

त्यस्तैगरी लुम्बिनी प्रदेशबाट अर्घाखाँचीकी दीक्षा भण्डारी र दाङका प्रदीप डाँगी, कर्णाली प्रदेशबाट कालीकोटकी चन्द्रा चाँदनी र मुगुका अनुराग बम तथा सुदूरपश्चिम प्रदेशबाट डोटीकी सरिता कठायत र डोटीकै क्षितिज भरतले पनि रचना वाचन गरे ।

त्यस अवसरमा वाचित मुक्तकको समीक्षात्मक टिप्पणी संस्थाका निवर्तमान अध्यक्ष कृष्णप्रसाद पौडेलले गरेका थिए ।त्यस्तै कार्यक्रमका बीच प्राप्त दर्शक टिप्पणीहरुलाई समेत संस्थाका सह सचिव शिव त्रिपाठीले उठान गरेका थिए ।

सो कार्यक्रममा संस्थाका संस्थापक सचिव कोविदशरण उपाध्याय, सल्लाहकारहरु छन्दिका त्रिपाठी, बसन्त बास्तोला, केशवशरण पौडेल लगायतको विशेष उपस्थिति थियो ।

कार्यक्रम संयोजक आवाज शर्माले स्वागत, उपाध्यक्ष बलराम पौडेलले धन्यवाद मन्तब्य राखेको उक्त कार्यक्रम संस्थाका अध्यक्ष छन्दमणि त्रिपाठीको अध्यक्षतामा सचिव सुनिल गायकले सञ्चालन गरेका थिए ।

Related News

सम्बन्धित समाचार

    hero news full width

    Fishtail

    sanil ads

    wordlink ads

    trending post

    ट्रेन्डिङ्ग