धौलागिरी अस्पतालमा २ जनाको मृत्यु

राजेशचन्द्र राजभण्डारी
वैशाख २३, २०७८
dhaulagiri_hospital

बागलुङ । धौलागिरी अस्पताल बागलुङमा उपचारत २ जना पुरुषको मृत्यु भएको छ । १ जना कोरोना संक्रमित र एकजना शंकास्पद युवकको मृत्यु भएको हो ।

बागलुङ नगरपालिका–४ का ७८ बर्षीय पुरुषको बिहिबार बिहान अस्पतालको सघन उपचार कक्षमा मृत्यु भएको अस्पतालले जनाएको छ । वैशाख २० गते स्वास प्रस्वासमा समस्या भएर अस्पताल पुगेका उनको सोही दिन कोरोना संक्रमण पुष्टि भएको थियो ।

उनमा मधुमेह, उच्च रक्तचाप लगायतका समस्या रहेको स्वास्थ्य कार्यालय बागलुङका कोभिड फोकल पर्सन देवप्रकाश घिमिरे बताए ।

म्याग्दीको बेनी नगरपालिका–१ का ३३ बर्षिय पुरुषको बुधबार राती मृत्यु भएको छ । स्वासप्रस्वासमा समस्या आएर उनलाई सघन उपचार कक्षमा राखेर उपचार भैरहेको थियो ।

बागलुङमा कोरोना संक्रमणबाट मृत्यु हुनेको संख्या १३ पुगेको छ ।

Related News

सम्बन्धित समाचार

    hero news full width

    sanil ads

    wordlink ads