हेमजा । कास्कीको अन्नपूर्ण गाउँपालिकामा ५ शैयाको कोभिड अस्पताल स्थापना गरिएको छ । ढिकुरपोखरीस्थित दिगो महिला विकास बचत तथा ऋण सहकारी संस्थाको भवनमा मंगलवारदेखि अस्पताल सञ्चालनमा ल्याइएको हो ।
अस्पतालमा बिरामीको उपचारमा २ अनमी २४ औं घन्टा स्वास्थ्य उपचारका लागि खट्नेछन् ।
पालिकामा उपलब्ध स्वास्थ्यकर्मी र स्रोतसाधनको प्रयोग गरी अस्पताल निर्माण गरेको अध्यक्ष युवराज कुँवरले बताए । त्यस्तै अक्सिजन प्लान्ट लगायत थप साधनस्रोत जुटाउन पहल भइरहेको कुँवरको भनाइ छ ।
गाउँपालिकामा हाल कोरोनाका ७ सक्रिय संक्रमित छन् । उनीहरु होम आइसोलेनमा बसेका छन् । गाउँपालिकाका स्वास्थ्य संयोजक ऋषिराम पौडेलले बढी मात्रामा अन्नपूर्ण वडा १ र २ मा संक्रमण फैलिएको बताए । पालिकाभर कुल १९ संक्रमितमध्ये १२ जना यसअघि नै निको भइसकेका छन् ।
गाउँपालिकाले पछिल्लो पटक कोरोना भाइरसविरुद्घ सचेतना अभियान तीव्र पारेको छ । सोबारे सूचना प्रकाशन गर्ने, वडास्तरमा सम्पर्क व्यक्ति खटाउने, घान्द्रुक, नयाँपुल र ढिकुरपोखरी आधार मानी उपचारका लागि जीपको व्यवस्था गर्ने प्रबन्ध पनि गरिएको छ ।
अन्य दीर्घरोगीका लागि पोखराबाट औषधी किनेर सम्बन्धित व्यक्तिको घरसम्म पु¥याइदिने व्यवस्था पनि गाउँपालिकाले मिलाएको छ ।
गाउँपालिका अध्यक्ष कुँवरले कोभिड–१९ भयानक रुपमा फैलिँदै गएकाले नागरिक आफै सचेत र जिम्मेवार बन्नुपर्ने बताउँछन् । सरकारको आशमा जनताको ज्यान समेत गुम्न सक्ने औैंल्याउँदै कुँवरले त्यसतर्फ बेलैमा चनाखो बन्न आग्रह पनि गरे ।
Related News
सम्बन्धित समाचार
कोभिडबाट एकको मृत्यु, १०६ संक्रमित थपिए
कोरोना भाइरसबाट आज एक जनाको निधन
गण्डकीका ३ सहित मुलुकभरका १३ जिल्लामा कोरोनाको शून्य संक्रमण
कास्कीमा २ सय बढी संक्रमित
कोरोनाको उद्गमस्थल चीनको वुहानमा फेरि लकडाउन
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१