पोखरा । अप्रिल महिनामा यूरोपका ठूला क्लबहरुको भिडन्त हुने भएको छ । यूरोपियन च्याम्पियन्स लिग र विभिन्न देशका घरेलु लिगमा ती क्लबहरुको महाभिडन्त हुने निश्चित छ ।

च्याम्पियन्स लिगमा गत सिजनको फाइनालिस्ट क्लब वायर्न म्युनिख र पिएसजी खेल्ने छन् । गत सिजन पिएसजीलाई हराउँदै वार्यनले उपाधि जितेको थियो । पिएसजी नेमार र एमबाप्पेसहितको फ्रान्सको घरेलु लिग ‘लिग वान’ को लिडर हो । यूरोपियन च्याम्पियन बन्ने दौडमा क्वाटर फाइनल खेल अप्रिल ८ मा पहिलो लेग र अप्रिल १३ मा दोश्रो लेग भिड्ने छन् ।

त्यस्तै च्याम्पियन्स लिगकै दौडमा क्वाटर फाइनलको पहिलो खेल म्याचेस्टर सिटी र डर्टमण्ट अप्रिल ७ मा खेल्नेछन् । पेप ग्वार्डिवाला प्रशिक्षित सिटी र युवा स्टार हल्याण्डको साथमा डर्टमण्डले अप्रिल १५ मा दोश्रो खेल खेल्ने छ ।

च्याम्पियन्स लिगकै लगातार प्रतिस्पर्धी रियल मड्रिड र लिभरपुल पनि अप्रिल ७ मै पहिलो खेल र अप्रिल १५ मा दोश्रो खेल खेल्दै छ । २०१७/१८ को च्याम्पियन्स लिगमा मड्रिडसँग पराजित हुँदा लिभरपुलले ट्रफी गुमाएको थियो भने २०१८/१९ मा टोटनह्यामलाई हराउँदै यूरोपियन च्याम्पियन बनेको थियो ।

च्याम्पियन्स लिगमै अप्रिल ८ र १४ चेल्सी र पोर्टाे पनि खेल्दै छ ।

त्यस्तै स्पेनिस् घरेलु लिगको सर्वाधिक प्रतिस्पर्धात्मक खेल एल क्लासिको अप्रिल ११ मा हुँदैछ । उपाधिकै निर्णायकका रुपमा रहेको यस खेलमा बार्सिलोना रियल मड्रिडको घरेलु मैदानमा उत्रिने छ । यसअघि अक्टोबर २४ मा क्याम्प नोउमा भएको खेलम रियलले ३–१ को जित निकालेको थियो ।