पोखरा । नेपाल शैक्षिक परामर्श संघ (इक्यान) कास्कीले अष्ट्रेलियाका लागि नेपाली राजदूत महेश दाहालसँग अन्तक्र्रिया गरेको छ ।

पोखरामा भएको अन्तक्र्रियाले अष्ट्रेलियामा बसोबास गर्दै आइरहेका नेपालीको अवस्था, नेपाली विद्यार्थीले अष्ट्रेलिया पुगेपछि भोग्नुपर्ने समस्या, नेपाल र कोभिड १९ का कारण पछिल्लो १ वर्षदेखि स्थगित अस्टे«ेलियाको अन्तर्राष्ट्रिय उडान लगायतका विषयमा राजदूत दाहालले प्रष्ट्याए ।

राजदूत दाहालले अन्तर्राष्ट्रिय शिक्षामा परामर्श व्यवसायीको महत्वपूर्ण भूमिका रहेको बताए । अष्ट्रेलियाका कलेज विश्वविद्यालयले पनि परामर्श व्यवसायीलाई विश्वास गर्ने कारणले सोहीअनुसार नेपालमा रहेका परामर्श व्यवसायीले पनि नेपाली विद्यार्थी तथा अविभावकलाई सही परामर्श दिनुपर्नेमा जोड दिए ।

ट्रेड कमिसन सर्भिस क्यानाडाका नेपालका लागि ट्रेड एडभाइजर तथा इक्यानका पूर्व प्रथम उपाध्यक्ष द्विराज शर्माले नेपाली विद्यार्थीको अष्ट्रेलियाको अर्थतन्त्रमा योगदान रहेको बताउँदै नेपाली विद्यार्थीले असल र मिहेनेती विद्यार्थीको परिचय बनाएको उल्लेख गरे ।

नेपाली विद्यार्थीको प्रमुख गन्तव्य अष्ट्रेलियामा हाल १ लाख नेपाली छन् । जसमध्ये करिब ६० हजार विद्याथी अन्तर्राष्ट्रिय विद्यार्थीको रुपमा अध्ययन गरिरहेका छन् ।

इक्यान कास्कीका अध्यक्ष इविन्द्र तिवारीको अध्यक्षतामा भएको अन्तक्र्रियामा निवर्तमान अध्यक्ष भुवन क्षेत्रीले स्वागत गरे । कार्यक्रम सञ्चालन सचिव सन्तोष शाहीले गरेका थिए ।