Worldlink ads

प्रथम शुक्लागण्डकी मेयर कप सुरु

आइतबारसम्म चल्ने प्रतियोगितामा १५ टिमले भाग लिएका छन्

आदर्श समाज सम्वाददाता
चैत्र १३, २०७७
Shuklagandaki myer cup day

दमौली । शुक्लागण्डकी नगरपालिकाको आयोजनामा शुक्रबारदेखि प्रथम मेयर कप पुरुष भलिबल प्रतियोगिता सुरु भएको छ ।

गण्डकी प्रदेशअन्तर्गत पालिकास्तरीय पुरुष भलिबल प्रतियोगिताको पहिलो दिन ४ खेल भएका छन् । गाउँफर्कोदय माविको खेलमैदान ढोरफिर्दीमा भएको खेलमा आयोजक शुक्लागण्डकी नगरपालिका ‘ए’ सहित कास्कीको मादी, स्याङ्जाको हरिनास र नवलपुरको बौदिकाली गाउँपालिकाले विजयी सुरुवात गरेका छन् ।

पहिलो खेलमा मादीले आयोजक शुक्लागण्डकी ‘बि’ लाई पराजित गर्दै सुखद सुरुवात गरेको छ । मादीले शुक्लागण्डकी ‘बि’ लाई २–० को सोझो सेटमा पाखा लगाउँदै दोस्रो चरणको यात्रा तय गरेको हो ।

दोस्रो खेलमा शुक्लागण्डकी ‘ए’ ले देवघाट गाउँपालिकालाई २–० को सोझो सेटमा पराजित गरेको छ ।

तेस्रो खेलमा हरिनासले निकै कमजोर सावित व्यासलाई २५–११, २५–१४ को सोझो सेटमा पाखा लगायो ।

दिनको अन्तिम खेलमा नवलपुरको बौदीकालीले म्याग्देलाई २५–१३, २५–२३ को सोझो सेटमा हरायो ।

विजेताले १ लाख ५० हजार, उपविजेताले १ लाख, तेस्रोले ५० हजार र सान्त्वनाले २५ हजार सहित सिल्ड, मेडल र प्रमाणपत्र पाउने मेयर कप सञ्चालन तथा व्यस्थापन समिति संयोजक दीर्घबहादुर थापाले जानकारी दिए ।

यस्तै, सर्वोत्कृष्ट खेलाडीले १० हजार रुपैयाँ प्राप्त गर्नेछन् । बेष्ट स्पाइकर, सेन्टर सर्भर, ब्लकर, डिफेन्डरले जनही ५ हजार रुपैयाँ हात पार्नेछन् ।

शनिबार पहिलो चरणको बाँकी ३ खेल हुने आयोजकले जनाएको छ । आइतबारसम्म चल्ने प्रतियोगितामा १५ टिमले सहभागिता जनाएका छन् ।

नेपाली कांग्रेसका केन्द्रीय सदस्य प्रदीप पौडेलले प्रतियोगिता उद्घाटन गर्दै भलिबलमा महिला पुरुष दुवैलाई समावेशी तरिकाले खेलाउनुपर्ने बताए । उनले भने, ‘समाजमा भावनात्मक सम्बन्ध विकास गर्न खेलकुदको भूमिका रहन्छ ।’

मेयर किसान गुरुङको अध्यक्षतामा भएको उद्घाटन सत्रमा उपमेयर सविता रसाइली, शिक्षा शाखाका अधिकृत ज्योतिप्रकाश तिम्लिसिना लगायतले बोलेका थिए ।

Related News

सम्बन्धित समाचार

    • मादीको ‘ड्रिम प्रोजेक्ट’ खेलग्राम

      सुनील सापकोटा मंसिर १६, २०७८
      पोखरा । कास्कीको मादी गाउँपालिका ४, बेतेनीमा गाउँपालिकाले निर्माण गरेको खेलग्राम बुधबार उद्घाटन गरिएको छ । गाउँपालिका अध्यक्ष वेदबहादुर गुरुङले…
    • खेलकुद परिषद सदस्य सचिवमा टंकलाल नियुक्त

      आदर्श समाज सम्वाददाता मंसिर १४, २०७८
      पोखरा । सरकारले राष्ट्रिय खेलकुद परिषद् सदस्य सचिवमा टंकलाल घिसिङलाई नियुक्त गरेको छ । मन्त्रिपरिषदको सोमवारको बैठकले नेपाल रग्बी संघका…
    • सहारा क्लब हङकङमा दीपक

      आदर्श समाज सम्वाददाता मंसिर १३, २०७८
      पोखरा । सहारा क्लब हङकङको अध्यक्षमा दीपक गुरुङ सर्वसम्मत चयन भएका छन् । आइतबार सम्पनन तेस्रो अधिवेशनले दीपकको अध्यक्षतामा २०…
    • पोखरा आदर्श सेकेण्डरीमा खेलकुद

      आदर्श समाज सम्वाददाता मंसिर ११, २०७८
      पोखरा । पोखरा आदर्श सेकेण्डरी स्कुल, बगरले अन्तरसदनात्मक खेलकुद कार्यक्रम–२०७८ गरेको छ । २ दिनसम्म चलेको खेलकुद कार्यक्रमको उद्घाटन विद्यालय…
    • महिला क्रिकेट : नेपालद्वारा मलेसिया पराजित   

      आदर्श समाज सम्वाददाता मंसिर १०, २०७८
      महिला क्रिकेट : नेपालद्वारा मलेसिया पराजित काठमाडौँ १० मङ्सिर (रासस) : संयुक्त अरब इमिरेट्स (युएई) मा जारी आइसिसी महिला टी–ट्वान्टी…

    hero news full width

    trending post

    ट्रेन्डिङ्ग