चिमखोलामा खेलमैदान निर्माण

sadhanramjali साधन राम्जाली
चैत्र १३, २०७७
chimkholama khelmaidan nirman 2

म्याग्दी  । रघुगंगा गाउँपालिका–७, चिमखोलास्थित धमाखुमा खेल मैदान निर्माण गरिएको छ ।

चालू आर्थिक वर्षमा संघीय सांसद विकास कोषबाट ८ लाख र प्रदेश सांसद कोषबाट ७ लाख र स्थानीयको आर्थिक सहयोग र जनश्रमदानबाट घेराबार, शौचालयसहित व्यवस्थित खेलमैदान निर्माण गरिएको हो ।

मण्डली युथ क्लब चिमखोलाले आयोजना गरेको भूमेपूजा मेला अवसरमा सो खेलमैदानको संघीय सांसद एवं पूर्वमन्त्री थममाया थापाले उद्घाटन गरिन् ।

ढलानसहितको खेलमैदानसँगै घेराबार, स्टेज, शौचालय र टहरा लगायतको पूर्वाधार संघ र प्रदेशका सांसद र स्थानीयको सहयोग तथा जनश्रमदानबाट निर्माण भएको मण्डली युवा क्लबका सचिव भीम थापामगरले जानकारी दिए ।

जसहितको खेलमैदान निर्माणले बास्केटबल, भलिबल लगायतको खेलकुद तथा सांस्कृतिक कार्यक्रम सञ्चालन गर्न सहज भएको सचिव थापाले बताए ।

उनका अनुसार चालू आवमा रघुगंगा गाउँपालिकाले शौचालय तथा टहरा निर्माणमा ४ लाख ७५ हजार र स्थानीयको १ लाखको जनश्रमदानसहित ५ लाख ७५ हजारमा निर्माण गरिएको हो । वडा अध्यक्ष दुर्गाप्रसाद पुनको अध्यक्षतामा भएको कार्यक्रममा नेकपा एमाले म्याग्दीका जिल्ला अध्यक्ष हरिकृष्ण श्रेष्ठ लगायत स्थानीय समाजसेवीको उपस्थिति थियो ।

संघ र प्रदेश र गाउँपालिकाबाट बजेट विनियोजन, स्थानीयको जनश्रमदान र आर्थिक संकलनबाट ८ वटै वडामा बास्केटबल र भलिबल लगायतको कार्यक्रम गर्न मिल्ने ढलानसहितको पक्की खेलमैदान निर्माणा गरिएको गाउँपालिका अध्यक्ष भवबहादुर भण्डारीले बताए ।

भूमे पूजा अवसरमा टोपा नाच, थाली नाच, जुरेचल्ला र सर्मजाले र कलस जुधाउने देखाउनुको साथै ऐतिहासिक सेदो र साइला लगायत गीत गाइएको थियो ।

Related News

सम्बन्धित समाचार

    hero news full width

    sanil ads

    wordlink ads