स्याङ्जा । स्याङ्जा साहित्य प्रतिष्ठानले विभिन्न व्यक्तिको सम्मान तथा साहित्यिक कार्यक्रम गरेको छ । त्रिभुवन बहुमुखी क्याम्पसको सहजीकरणमा स्याङ्जामा भएको कार्यक्रममा देशभरका विभिन्न ठाउँहरूबाट प्राज्ञिक तथा साहित्यिक व्यक्तित्वहरुको उल्लेख्य सहभागिता छ ।
कार्यक्रममा नेपाली भाषा, साहित्य, कला र संस्कृतिको क्षेत्रमा योगदान पु¥याएकोमा यानीति साहित्य पुरस्कारबाट सहप्राध्यापक डा नेत्रप्रसाद न्यौपाने, कालीगण्डकी कला साहित्य पुरस्कारबाट प्राडा मोतीलाल पराजुली, आमा सुमित्रा गिरी साहित्य पुरस्कारबाट उपप्राध्यापक टंकप्रसाद पन्थ सम्मानित भए ।
त्यस्तै वातावरण र पर्यावरणको क्षेत्रमा महत्वपूर्ण योगदान पु¥याएमा युवा वातावरणविद् मित्र पाण्डेलाई पनि सम्मान गरियो ।
दुई दिनसम्म चल्ने सो कार्यक्रमको पहिलो दिन साहित्यकार त्रिभुवन शर्माको ‘फूलपाती’ र मुक्तिप्रसाद घर्तीको ‘अतीतको सम्झना’ नामक कृतिको विमोचन गरिएको थियो । सो अवसरमा कवि सर्जकले रचना वाचन गरे ।
कार्यक्रममा प्राडा विष्णुप्रसाद पौडेलले साहित्यलाई संख्यात्मकभन्दा पनि गुणात्मक ढंगले माथि उठाउनुपर्ने बताए । प्राडा मोतीलाल पराजुलीले आफूले लोकसाहित्यको अनुसन्धान सुरु गर्दा निकै कठिन यात्रा गर्नुपरेको भए तापनि आज लोकसाहित्यमा २० वटा भन्दा बढी विद्यावारिधि तहका अनुसन्धान सम्पन्न भइसकेको र बाटो धेरै सुगम बनिसकेकोमा आफूलाई गौरवबोध भएको बताए ।
प्राध्यापक हुमाकान्त पाण्डेले वास्तविक साहित्य चिनेर त्यसको मर्म अनुसार स्रष्टाहरू अगाडि बढ्नुपर्ने बताए ।
स्याङ्जा साहित्य प्रतिष्ठानका अध्यक्ष वरिष्ठ साहित्यकार विश्वप्रेम अधिकारीले आफूहरुले विद्यार्थीकालमा बनारसमै छँदाबाट साहित्यक सिर्जनाको प्रयास गरेर आजसम्म त्यसैमा जीवन समर्पण गरेको धारणा राखे ।
स्याङ्जा साहित्य प्रतिष्ठान अध्यक्ष विश्वप्रेम अधिकारीको अध्यक्षतामा भएको कार्यक्रममा स्वागत सचिव बाबवुकुमार सिग्देल र सञ्चालन स्याङ्जा प्रतिष्ठानका कोषाध्यक्ष रवीन केसीले गरेका थिए ।
Related News
सम्बन्धित समाचार
हेमजा साहित्य प्रतिष्ठानमा चूडामणि खनालको स्मरण
अक्षरयात्राको २१० औं शृंखला खास्टेतालमा
छन्द बचाऊँ वाचनकला पुरस्कारबाट त्रिपाठी सम्मानित
सबीको अपरिभाषित आभा लोकार्पित
छन्द बचाऊँ वाचनकला पुरस्कारबाट त्रिपाठी सम्मानित
hero news full width
मुख्य समाचार
मुख्यमन्त्री अधिकारीविरुद्धको रिट खारेज
कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१बझाङ प्रदेशसभा–१ मा एमालेका भण्डारी विजयी
वैशाख १७, २०८१