नवलपरासी। गोलभेंडाले बजार नपाएपछि पश्चिम नवलपरासीको बर्दघाटका किसानले बर्दघाट नगरपालिका परिसरभित्रै टमाटर फालिदिएका छन् ।
स्थानीय किसानको उत्पादनले बजार नपाउने र भारतीय आयातित टमाटर खुलेआम बिक्री भएको भन्दै उनीहरुले सोको विरोधमा आफूले उत्पादन गरेको टमाटर फालेका हुन् ।
नगरपालिकाको गेटदेखि प्रत्येक कोठा र गल्लीमा टमाटर फालेर विरोध जनाएको स्थानीय किसान नीलकण्ठ नेपालले बताए ।
किसानले नगर प्रमुख धीरज शर्मा बस्याललाई ज्ञापनपत्र बुझाउन नगर प्रमुखको उपस्थित हुनुपर्ने माग गरे पनि बस्याल उपस्थित भएनन् । नगर प्रमुख ज्ञापनपत्र बुझ्न नआएको भन्दै किसान थप आक्रोशित हुँदै नाराबाजी गरेका थिए । किसानले बस्यालको कार्यकक्षमा पनि टमाटर फाल्न खोज्दा नगर प्रहरीले रोक्ने प्रयत्न गरेको थियो । किसानले २ गाडीमा ३० क्विन्टल टमाटर ल्याएर नगरपालिकाको गेटदेखि प्रत्येक कोठा र गल्लीमा फालेका हुन् ।
बर्दघाट नगरपालिका वडा ७ र १४ का किसानले अहिलेको बजार मूल्य अनुसार ३० हजार बराबरको टमाटर फालेका हुन् ।
नगरपालिका प्रवक्ता एवं वडा ४ का वडाध्यक्ष रवीन्द्रविक्रम हमालले किसान स्वयं आन्दोलित हुने स्थिति सिर्जना हुनु दुखद भएको बताए ।
नेपाल कम्युनिष्ट पार्टी (नेकपा) का नगर इन्चार्ज रुद्रप्रकाश उपाले आफूहरु किसान आन्दोलनको पक्षमा रहेको बताए । उनले उत्पादित वस्तुको बजारीकरणका लागि जिम्मेवार बन्न नगरपालिकालाई सचेत गराएका थिए ।
बर्दघाट उद्योग बाणिज्य संघका अध्यक्ष लेखनाथ न्यौपानेले भुइँमा पोखिएको टमाटर नभई किसानले गरेको मिहिनेत र पसिना बगेको टिप्पणी गरे ।
यसैबीच, नगरपालिकाबाट आफ्नो मागबारे कुनै सुनुवाइ नभए थप कडा आन्दोलनमा उत्रिने किसानको चेतावनी छ ।
Related News
सम्बन्धित समाचार
पोखराको नयाँ बजारमा सिजी मोटर्सको सोरुम, टिटी ग्लोबलले थाल्यो बिक्री
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
hero news full width
मुख्य समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१