पोखरा । लायन्स क्लब अफ पोखरा आदर्श चौतारीले शनिबार वालिङ–४ खाल्टे एलादीको जेठी कन्यादेवी प्राविका विद्यार्थीलाई न्यानो कपडा र शैक्षिक सामग्री सहयोग प्रदान गरेको छ ।
क्लबका संस्थापक अध्यक्ष एवं रिजन चेयरपर्सन वासुदेव कोइरालाले सामाग्री हस्तान्तरण गर्दै चिसो मौसमसँगै अध्ययन सुरु गरेका विद्यार्थीका लागि सहयोग गरेर गभर्नरको लक्ष्यलाई महत्वपूर्ण दिन हुन क्लबहरूलाई आग्रह गरे ।

क्लब अध्यक्ष मोहनराज पौडेलको अध्यक्षतामा भएको कार्यक्रममा वडा जनप्रतिनिधि निर्मला खनाल, विद्यालय व्यवस्थापन समिति अध्यक्ष सिरसम गुरूङ, निवर्तमान अध्यक्ष भरतराज सिग्देललगायतले बोलेका थिए ।

नर्सरीदेखि कक्षा ५ सम्मका ३६ जना विद्यार्थीलाई न्यानो कपडा, शैक्षिक सामग्री, मास्क, सेनिटाइजर वितरण गरिएको थियो ।

कार्यक्रममा स्वागत विद्यालय प्रअ चिनु गुरूङ, धन्यवाद ज्ञापन कार्यक्रम संयोजक रूक गुरूङ र सञ्चालन क्लब सचिव दामोदर आचार्यले गरेका थिए ।