पोखरा । लायन्स क्लब अफ पोखरा समृद्धिका पूर्व अध्यक्ष तथा जोन चियरपर्सन राधिका थापाले महर्षि गुरुकुल वेद विद्याश्रममा आश्रित विद्यार्थीलाई सिरकडसना सहयोग गरेकी छन् ।

उनले संस्थाको आवश्यकतालाई थोरै भएपनि राहतहोस् भन्ने हेतुले सहयोग गरेको बताइन् । आफूलाई क्लब र परिवारतर्फबाट सहयोग भएको बताउँदै सहयोग सामग्री सदुपयोग हुनेमा आशा व्यक्त गरिन् ।

कार्यक्रममा लायन्स डिष्ट्रिकका पदाधिकारी रामकुमार बसेलले जोन चियरपर्सन थापाले आफू अध्यक्ष हुँदा पनि यस्ता कार्यक्रम गर्न पहल गर्ने र धेरै संस्थालाई सहयोग गरेकोमा प्रशंसा गरे ।

रेडियो सराङ्गकोटका कार्यकारी निर्देशक कृष्ण थापाले जहाँ सामानको खाँचो छ, त्यहाँ सहयोग जरुरी रहेको भन्दै सबै संस्थाले उक्त भावनालाई अङ्गीकार गरेर सामाजिक कार्यमा क्रियाशील हुनुपर्ने बताए ।

लायन्स क्लष्टर प्रमुख डम्बरकुमारी गुरुङले लायन्स क्लब आफैमा सहयोगी र सामाजिक संस्था भएकाले वैदिक संस्थामा आएर यस्ता कार्य गर्न सबै लायनहरु लाग्नुपर्ने बताइन् ।

महर्षि गुरुकुल वेद विद्याश्रमका अध्यक्ष रामचन्द्र पौडेलले सहयोगप्रति आभार व्यक्त गर्दै गुरुकुलमा हाल कक्षा ६ देखि १० सम्म अध्ययन–अध्यापन भइरहेको बताए ।

संस्थाका अध्यक्ष रेविका श्रेष्ठको अध्यक्षतामा भएको कार्यक्रमको सञ्चालन सचिव शान्ति श्रेष्ठ गरेकी थिइन् ।
सो अवसरमा संस्थाका सचिव शान्ति श्रेष्ठ र सदस्य इन्दिरा गौतमले गुरुकुलका लागि आर्थिक सहयोग समेत गरेका थिए ।