खौला लाँकुरीका विद्यार्थीलाई न्यानो कपडा र स्टेसनरी

Avatar आदर्श समाज सम्वाददाता
पौष ४, २०७७
khaulalakuri samaj

पोखरा । खौलालाँकुरी–पोखरा सम्पर्क समाज पोखराले पर्वतको कुश्मा नगरपालिका–१३ खौलालाँकुरीका सबै सामुदायिक विद्यालयका सबै विद्यार्थीलाई न्यानो कपडा र शैक्षिक सामग्री सहयोग गरेको छ । समाजले गाउँमै पुगेर शुक्रबार ६ विद्यालयका ३ सय ६९ विद्यार्थीलाई उक्त सहयोग दिएको हो ।

समाज गठन भएर पहिलो अधिवेशन भएको एक वर्ष पुगेको अवसरमा संस्थाले सहयोग गरेको हो । कार्यसमितिका सदस्य र केही साधारण सदस्यसमेतबाट आर्थिक सहयोग जुटाएर एकलाख ५९ हजार रुपैयाँ बराबरको स्विटर र स्टेसनरी सामग्री सबै विद्यार्थीको हातमा पुर्‍याइएको न्यानो कपडा तथा शैक्षिक सामग्री वितरण कार्यक्रमका संयोजक पताम्बर पौडेलले बताए ।

उनका अनुसार खौलालाँकुरी माविका २ सय ४१, महेन्द्र आधीारभूत विद्यालयका ५७, शिशुकल्याण आधारभूतका २६, नवजागृति र भगवती आधारभूतका १९÷१९ जना र जनजागृति आधारभूत विद्यालयको बालकक्षामा अध्ययनरत ७ विद्यार्थीलाई सहयोग गरिएको हो ।

सहयोग कार्यक्रमको उद्घाटन गर्दै कुश्मा–१३ का वडाध्यक्ष जंगबहादुर केसीले पोखरामा समाज गठनले एउटा उत्साह थपिएको बताए । ‘समाजले कुनै पनि राजनीति नगरी यस्ता प्रकारका सामाजिक गतिविधि गरिरहनु पर्छ’ उनले भने, ‘वडा कार्यालय र व्यक्तिगतरुपमा समेत सहयोग गर्न तयार छु ।’

समाजका अध्यक्ष टंकबहादुर कार्की क्षेत्रीले जन्मभूमिमा केही गर्नुपर्छ भन्ने सन्देशसाथ कार्यक्रम गरिएको र रचनात्मक र सिर्जनात्मक काममा लागिरहने प्रतिवद्धता जनाए । ‘यो सुरुवातमात्र हो,’ उनले भने, ‘पोखरामा भएका दाजुभाइ, दिदीबहिनी सबैलाई समेटेर समाजलाई थप सशक्त रुपमा अघि लैजानेछौ ।’ उनले न्यानो कपडा र शैक्षिक सामाग्रीको दुरुपयोग गर्न नहुने भन्दै शिक्षक र अभिभावक पनि चनाखो हुनुपर्नेमा जोड दिए ।

खौलालाँकुरी मावि व्यवस्थापन समितिका अध्यक्ष देवीप्रसाद तिमिल्सिनाले समाज गठन भएको एक वर्षमै यस्तो कार्य गरेकोमा खुशी व्यक्त गरे । सोही माविकी प्रधानाध्यापक मीनाकुमारी भण्डारीले उदार मन र हात लिएर आएको भन्दै समाजसँग सहकार्य गरी काम गर्न इच्छुक रहेको बताइन् । उनले समाजलाई २५ हजार रुपैयाँ सहयोगको घोषणासमेत गरिन । ‘तेरो र मेरो अनि त र म नभनी समाजले सामाजिक कार्यमा निरन्तर लागिरहनु पर्छ’ उनले भनिन ।

समाजका उपाध्यक्ष हीरालाल विश्वकर्माले स्वागत गर्दै संस्था गठन र हालसम्म भएका कामहरुको बारेमा प्रकाश पारेका थिए । ‘समाजले विभिन्न आपतविपत्मा परेकालाई केही मात्रामा भए पनि सहयोग गर्ने उद्देश्यसाथ आकस्मिक सहयोग कोष गठन भएको छ’ उनले भने । कार्यक्रममा समाजका सचिव लालप्रसाद शर्मा र सहसचिव प्रकाश सुवेदीले बोलेका थिए । मास्क र स्यानीटाइजर पनि वितरण गरिएको थियो ।

यसैबीच समाजको कार्यसमितिले छिमेकी फलेबास नगरपालिकाका मेयर पदमपाणि शर्मासँग शुक्रबारै भेटघाट गरी गाउँ र पर्यटनको विकासका विषयमा छलफल ग¥यो । विशेष गरी खौलालाँकुरीतर्फको जुम्ली थान क्षेत्र र कार्कीनेटातर्फको डहरे देउरालीलाई कसरी पर्यटनमा स्थापित गर्ने भन्ने विषयमा कुराकानी भएको थियो ।

त्यस अवसरमा समाजका पदाधिकारी तथा सदस्यहरुले फलेबास नगरपालिकाले डहरेलेकमा बनाउन लागेको पार्कको अवलोकनसमेत गरेको थियो । समाज खौलालाँकुरी स्थायी घर भइ विभिन्न पेसा तथा व्यवसायमा पोखरामा अस्थायी वा स्थायी बसोबास गर्नेहरुको संस्था हो ।

Related News

सम्बन्धित समाचार

    • आगामी शैक्षिक सत्र १० महिनाको हुने, असार १ गतेबाट सुरु

      Avatar आदर्श समाज सम्वाददाता फागुन १६, २०७७
      पाेखरा ।  विद्यालय तहको आगामी शैक्षिक सत्र १० महिनाको हुने भएको छ। शिक्षा तथा मानव स्रोत विकास केन्द्रका अनुसार आगामी…
    • एक वर्षपछि खुले विद्यालय

      rss रासस फागुन १२, २०७७
      मनाङ।  कोरोना महामारी र चिसोले बन्द भएका मनाङका विद्यालय झण्डै एक वर्षपछि सञ्चालनमा अएका छन् । गत वर्ष जाडो सकेर…
    • जनप्रियमा ट्रेकिङ गाइड तालिम

      Avatar आदर्श समाज सम्वाददाता फागुन ११, २०७७
      पोखरा । जनप्रिय बहुमुखी क्याम्पस र नेपाल पर्वतीय प्रशिक्षण प्रतिष्ठानको संयुक्त आयोजना एवं माछापुच्छ्रे मोडेल ट्रेकको व्यवस्थापनमा स्नातकतह पर्वतीय पर्यटन…
    • शीतला माविकाे ६३ औं वार्षिकोत्सव: बसाइँसराइले गाउँका विद्यालय संकटमा

      Avatar आदर्श समाज सम्वाददाता फागुन १०, २०७७
      पोखरा। स्याङ्जाको फेदीखोलास्थित शीतला माविले ६३ औं वार्षिकोत्सव मनाएको छ । सो अवसरमा बोल्ने वक्ताले सहरमा बसाइँसराइ कारण ग्रामीण भेकका विद्यालय…
    • बेलचौतारामा गण्डकीको शिक्षण अस्पताल

      Avatar आदर्श समाज सम्वाददाता फागुन ४, २०७७
      पोखरा । जीवनपयोगी मूल्यमान्यतामा आधारित राष्ट्रिय तथा अन्तर्राष्ट्रियस्तरमा प्रतिस्पर्धा गर्न सक्षम र नेतृत्वदायी जनशक्ति तयार गर्न गुणस्तरीय शिक्षा प्रदान गर्ने उद्देश्यले…

    hero news full width

    sanil ads

    wordlink ads