हेमजा । अन्नपूर्ण गाउँपालिका–३ काँडे बराह मन्दिर परिसरमा निर्मित कुण्ड (पोखरी) बिहीबार उद्घाटन गरिएको छ ।
कुण्ड उद्घाटन गर्दै राप्रपा केन्द्रीय सदस्य एवम् मन्दिरका संरक्षक कुलबहादुर गुरुङ ‘कुलु’ ले धर्मसंस्कृतिको रक्षा गर्नुपर्नेमा जोड दिए । उनले अधिकांश हिन्दू धर्मावलम्बी रहेको नेपाललाई धर्मनिरपेक्षबाट परिवर्तन गरी हिन्दू राष्ट्र बनाउनुपर्ने बताए । गुरुङले सबै नेपालीलाई हिन्दू राष्ट्रको पक्षमा लाग्नसमेत आग्रह गरे । अन्य स्थानमा रहेका बराह मन्दिरको तुलनामा काँडे बराहको शक्ति अद्भूत रहेको उनको दाबी थियो।
वडाध्यक्ष चन्द्रबहादुर गुरुङले अन्नपूर्ण क्षेत्रको प्रमुख शक्तिपीठका रुपमा काँडे बराहलाई चिनाउँदै प्रचारको आवश्यकता औल्याए ।
उक्त अवसरमा पं. पुण्यप्रसाद सुवेदी, राष्ट्रिय धर्मसभा नेपालका केन्द्रीय सदस्य पं. तारानाथ शर्मा, पत्रकार कमल पौडेल अथक, स्थानीय बुद्घिजीवी सुरज पौडेल, बौद्घ आमा समूहका अध्यक्ष मैताकुमारी गुरुङलगायतले धारणा राखेका थिए।
कार्यक्रमबीच मन्दिर कोषाध्यक्ष गुरुदत्त भारतीले कुण्ड निर्माणका लागि विभिन्न माध्यममार्फत ९ लाख ९७ हजार ३ संकलन गरिएकोमा ७ लाख ७४ हजार २ सय रुपैयाँ लागत लागेको जानकारी दिए ।
सो अवसरमा कुण्ड निर्माणमा सहयोगी संघसंस्था एवम् व्यक्तिलाई सम्मान गरिएको थियो।
मन्दिरमा पूजाआजा गर्दा निःसन्तानलाई सन्तान प्राप्ति हुने, रोगव्याध नलाग्ने, कृषिउपजको सहज उत्पादन हुने र भण्डारण गर्न सकिनेलगायत जनविश्वास छ ।
कार्यक्रममा स्थानीय पाउँदुर विश्वकर्मा नौमती बाजा समूहले पञ्चेबाजा तथा सिर्जनशील आमा समूह पाउँदुर र नवज्योति आमा समूह मराउँचेले भजन प्रस्तुत गरेका थिए ।
मन्दिर संरक्षण व्यवस्थापन समिति अध्यक्ष गुञ्जमान गुरुङको अध्यक्षतामा सम्पन्न उक्त कार्यक्रममा सदस्य रेवती अधिकारीले स्वागत र सचिव युवराज गुरुङले संचालन गरेका थिए ।
Related News
सम्बन्धित समाचार
मधेशका सभामुखको टोली महेन्द्रगुफामा
प्रकटको स्मरणमा फिल्म ‘प्रतिबद्धता’ प्रदर्शन
कैदीबन्दी न्यायिक सरोकारमा नलबहादुर मनोनित
आगोलागी नियन्त्रणसम्बन्धी सचेतना
पोखरा ६ मा साबुन बनाउने तालिम
hero news full width
मुख्य समाचार
मुख्यमन्त्री अधिकारीविरुद्धको रिट खारेज
कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१बझाङ प्रदेशसभा–१ मा एमालेका भण्डारी विजयी
वैशाख १७, २०८१