साहित्यकार राजु क्षत्री अपुरोले एकल लघुकथा वाचन र कृति प्रकाशनसहित आफ्नो जन्मदिन मनाएका छन् ।
पछिल्लो समय जन्मदिन मनाउने विभिन्न संस्कार बढ्दै गएको बेला साहित्यकार अपुरोले साहित्यिक अनुष्ठानसहित जन्मदिन मनाएका हुन् ।
माछापुच्छे«–४, लाहाचोकमा पिता डम्बरहादुर र माता बुद्धिमाया क्षत्रीका कोखबाट २०२९ कार्तिक १९ गते जन्मेका अपुरो निरन्तर लघुकथा लेखन र प्रकाशनमा क्रियाशील स्रष्टा हुन् ।
उनका हालसम्म मेरा केही लघुकथाहरु, भाग्य र कर्म, आशाका झिल्का र दिमागको बिर्को गरी चार लघुकथा कृति प्रकाशित भइसकेका छन् ।
मलेसियामै रहेरै लघुकथा लेखनमा क्रियाशील रहेका अपुरोले आफूलाई साहित्य साधक, सर्जक र संगठकका रुपमा स्थापित गराएका छन् ।
रोजगारीको सिलसिलामा मलेसियामा रहेकै बेला स्रष्टा साधकलाई एकीकृत गर्न अपुरोको पहलमा ‘लघुकथा पाठशाला’ नामक फेसबुक पेज सञ्चालनमा आएको छ ।
सोही पेजमा प्रकाशन भएकामध्ये उत्कृष्ट लघुकथालाई एकीकृत पारेर तयार गरिएको ‘पाठशालाका लघुकथा–१’ पनि उनको जन्मदिन पारेरै लोकार्पण गरिएको छ । कृतिमा एक सय ३१ लघुकथाकारका कथा सङ्गृहीत रहेका छन् ।
कार्यक्रमका प्रमुख अतिथि लघुकथा समाजका अध्यक्ष श्रीओम रोदनले कृति लोकार्पण गर्दै लघुकथा लेखन पछिल्लो समय समृद्ध हुँदै गएको बताए ।
लघुकथा पाठशाला स्थापनाको छोटो समयमै ऐतिहासिक र अनुकरणीय कार्य गरेको बताए । अतिथि रोदनले लघुकथाको विकासमा अपुरोको योगदान स्तुत्य रहेको स्मरण गरे । कृति र पेजका बारेमा बोल्दै रोदनले लघुकथा पाठशाला एक वर्ष पनि नपुगेको अवस्था निकै सक्रिय पाठशालाकै रुपमा रहेको बताए । उनले लोकार्पित कृतिका रचना र संरचना सबै हिसाबले उत्कृष्ट रहेको बताए ।
वाचित लघुकथाको समीक्षा गर्दै डा पुष्करराज भट्टले पछिल्लो समय देशमा राजनीतिले बाटो बिराएका परिवेशलाई राजुले कथामा चित्रण गरेको बताए । उनले समाजमा व्याप्त दोहोरो चरित्रको अन्य होस् भन्न राजुका कथाले झटारो हानेको धारणा व्यक्त गरे ।
समालोचक असफल गौतमले घरदेशमा मन र परदेशमा ज्यान राखेर साधनामा लाग्ने अपुरोको साधनाबाट घरदेशमा बस्नेहरुले ज्ञान सिक्नुपर्ने धारणा राखे । लघुकथा पाठशालाका सन्दर्भमा बोल्दै असफलले पाठशाला पाठशालाले प्रकाशन गरेका कथा अब कृति भएर विश्वविद्यालयका लागि अनुसन्धानात्मक कृति हुने भएकाले पाठशालालाई एउटा विश्वविद्यालयका रुपमा चिनाए ।
कार्यक्रमका मुख्य नायक राजु क्षत्री अपुरोले समकालीन समाजलाई चित्रण गरिएका आफ्ना रोजा लघुकथा वाचन गरेका थिए । साथै उनले आफ्नो जन्मदिनलाई विशेष उत्सव बनाउन सहयोग गर्ने सम्पूर्णप्रति आभार व्यक्त गरे ।
कार्यक्रममा गङ्गा दाहाल न्यौपाने, करुणा ढकाल, अवतार ढकाल, हेमलता उप्रेती, अनु विज्ञातिलगायतले आफ्ना मन्तव्य राखेका थिए ।
Related News
सम्बन्धित समाचार
सहारा क्लब पोखरालाई वर्ष उत्कृष्ट क्लबको अवार्ड
महेन्द्रपुल युथ क्लब आयोजनामा बास्केटबल प्रतियोगिता हुने
बड्स एकेडेमीमा सदन विभाजन
स्मृति ग्रन्थमा सर्जक बुद्धि परियार
गाउँगाउँमा निशुल्क स्वास्थ्य शिविर
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१