पोखरा । एन्डी मरे युएस ओपनको दोस्रो चरणमा प्रवेश गरेका छन् ।

ग्राण्ड स्लाममा पुनरागमन गरेका मरेले जापानका योशीहितो निशियोकालाई पराजित गर्दै दोस्रो चरणमा स्थान बनाएका हुन् ।

२०१९ मा पिठ्यूको शल्यक्रिया गरेका मरेले पहिलो दुई सेट गुमाएरपनि उत्कृष्ट पुनरागमन गरेका थिए । मरेले निशियोकालाई ४–६, ४–६, ७–६ (७ र ५), ७–६ (७ र ४), ६–४ को सेटमा हराएका हुन् ।

पूर्व नम्बर एक मरेले चोटका कारण पछिल्लो चार वर्षमा दोस्रो युएस ओपनमा सहभागी भएका हुन् । ४९ वरियाताप्राप्त जापानका २४ वर्षे निशियोकालाई हराउन मरेले ४ घण्टा ३९ मिनेट कोर्टमा विताए ।

मरेले अब क्यानडाका २० वर्षे फेलिक्स औगर एलाइसाइमविरुद्ध खेल्नेछन् । प्रतियोगितामा १५ औं वरियाताका औगर एलाइसाइमले ब्राजिलका थियागो मोन्टेरोलाई ६–३, ६–७ (७ र ९), ७–६ (८ र ६), ७–६ (८ र ६) को सेटमा हराएका थिए ।

जोकोभिच दोस्रो चरणमा

विश्व नम्बर एक नोभाक जोकोभिच न्युयोर्कमा शुरू भएको युएस ओपन टेनिस प्रतियोगिताको दोस्रो चरणमा पुगेका छन् ।

मंगलबार बिहान भएको मेन्स सिंगल्सतर्फको खेलमा जोकोभिचले डामिर डिजुमहुरलाई सीधा सेटमा हराएका हुन ्। सर्बियाली खेलाडीले सो खेल ६–१, ६–१, ६–१ ले जितेका थिए ।

तस्बीर साभार : डनफर्मलाइन प्रेस डट कम

अन्य दुई शीर्ष खेलाडीहरू राफायल नाडाल र रोजर फेडेररको अनुपस्थितिमा उनको उपाधि दाबेदारी अग्रपंक्तिमा रहेको छ । उनले करियरमा १७ वटा ग्रान्डस्लाम उपाधि जितेका छन्, जुन रोजरभन्दा ३ र नाडालभन्दा २ उपाधिबाट पछाडि हो ।

समाचार साभार : न्यूज एजेन्सीहरुबाट