Worldlink ads

आर्सनलले १६ औं पटक जित्यो कम्युनिटी शिल्डको उपाधि

Avatar आदर्श समाज सम्वाददाता
भाद्र १४, २०७७
Arsenal, Community Shield Football

तस्बीर साभार : दी फुटबल फेथफुल डट कम

पोखरा । आर्सनलले १६ औं पटक कम्युनिटी शिल्ड फुटबलको उपाधि जितेको छ ।

वेम्बली स्टेडियममा शनिबार राति भएको फाइनलमा पेनाल्टी शूट–आउटमा प्रिमियर लिग च्याम्पियन लिभरपुललाई ५–४ गोलले हराउँदै आर्सनलले उपाधि जितेको हो । यो जितसँगै आर्सनलले १६ औं पटक कम्युनिटी शिल्ड फुटबलको उपाधि जितेको हो ।

निर्धारित समयको खेल १/१ गोलको बराबरीमा सकिएपछि खेलको निर्णय पेनाल्टी शूट–आउटसम्म पुगेको थियो । पेनाल्टीमा भने आर्सनलले बाजी मार्न सफल बन्यो ।

तस्बीर साभार : इण्डिया टिभी न्यूज डट कम

खेलमा सुरुवाती अग्रता भने आर्सनलले लिएको थियो । खेलको १२ औं मिनेटमा आबुमियाङको गोलबाट आर्सनलले अग्रता लिएको थियो । आर्सनलले सुरुवाती अग्रता जोगाउन नसक्दा खेल पेनाल्टीमा पुगेको हो । खेलको ७३ औं मिनेटमा लिभरपुलका मिनामिनोले बराबरी गोल गरे ।

त्यसपछि, पेनाल्टीमा आर्सनलका रेइस नेल्सन, एन्सले मेटल्यान्ड नाइल्स, सेड्रिक सोएरस, डेभिड लुइज र पेरिक एम्रिक आबुमियाङले गोल गरे ।

त्यस्तै, लिभरपुलका मोहमद सलाह, फाबिन्हो, ताकुमी मिनामिनो र कुर्टिस जोन्सले गोल गरे । लिभरपुलका रिहन ब्रेउस्टर पेनाल्टीमा गोल गर्न असफल बने ।

प्रिमियर लिग विजेता र एफए कप विजेताले कम्युनिटी शिल्डको फाइनल खेल्ने गर्छन् ।

Related News

सम्बन्धित समाचार

    hero news full width

    sanil ads

    wordlink ads