पोखरा । लेस्टर सिटीका जेमी भार्डीले इङ्लिस प्रिमियर लिग फुटबलमा सय गोल पूरा गरेका छन् ।
क्रिस्टल प्यालेसविरुद्धको खेलमा लेस्टर सिटीका फरवार्ड भार्डीले २ गोल गर्दै आफ्नो गोल संख्या १ सय बनाएका हुन् ।
घरेलु मैदान किङ्स पावर स्टेडियममा ३–० को जित निकाल्ने क्रममा भार्डीले ७७ र दोस्रो हाफको इन्ज्यूरी समयमा गोल गरे । दोस्रो हाफमा वैकल्पिक खेलाडीको रुपमा मैदान प्रवेश गरेका मिडफिल्डर हार्वे बर्नर्सले भार्डीका लागि दुवै गोलमा असिस्ट गरे ।
प्रिमियर लिग करिअरको आफ्नो २०६ औं खेल खेल्ने क्रममा भार्डीले व्यक्तिगत पहिलो र क्लबका लागि समग्र दोस्रो गोल गर्दै सय गोल पूरा गरे । प्यालेसका लेफ्ट ब्याक बल क्लियर गर्ने क्रममा चिप्लिएपछि पाएको बललाई बर्नर्सले पेनाल्टी एरियाभित्र रहेका भार्डीलाई बल एसिस्ट गरेका थिए । पाएको अवसरलाई बिना गल्ती पोस्टको दिशा दिँदै भार्डीको १०० औं गोल पूरा गरेका थिए ।
लिगमा लेस्टरको लागि १०१ औं गोल गर्न पनि भार्डीले धेरै समय कुर्नुपरेन । दोस्रो हाफमा थप गरिएको इन्जुरी समयमा बर्नर्सले नै मिलाइदिएको पासमा भार्डीले व्यक्तिगत दोस्रो र लेस्टर सिटीका लागि तेस्रो गोल गर्दै जित सुनिश्चित गरे ।
मैदानको मध्य भागमा पाएको पास बललाई भार्डीले एक्लै अघि बढाएर सुन्दर गोल गरेका थिए । यससँगै ३३ वर्षीय भार्डी इङ्लिस प्रिमियर लिगमा सय गोल गर्ने २९ औं खेलाडी बनेका छन् । एउटै क्लवबाट सय गोल गर्ने भार्डी १६ औं खेलाडी हुन् ।
यो सिजन प्रिमियर लिगको सर्वाधिक गोलकर्ताको शीर्ष स्थानमा रहेका भार्डीले २१ गोल गरेका छन् । २५ वर्षसम्म इङ्लान्डको लिग फुटबलमा सहभागी नभएका भार्डीको उपलब्धि साँच्चिकै उदाहरणीय छ । जुलाई २०१२ मा लेस्टर सिटीमा अनुबन्ध भएका भार्डीले इङ्यान्डको राष्ट्रिय टोलीबाट समेत खेलिसकेका छन् । राष्ट्रिय टोलीबाट २६ खेल खेलेका भार्डीले ७ गोल गरेका छन् ।
Related News
सम्बन्धित समाचार
पोखरा ७ स्तरीय वृहत दौड प्रतियोगिता
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
hero news full width
मुख्य समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१